ஓடிடி படத்தில் ஹீரோவாக நடிக்கும் யோகி பாபு

யோகி பாபு நடித்துள்ள பல படங்கள் ஓடிடியில் வெளியாகி உள்ளது. முதன் முறையாக ஓடிடி தளத்திற்கென்று தயாராகும் படத்தில் கதை நாயகனாக நடிக்கிறார். 'ஒரு கிடாயின் கருணை மனு' படத்தின் மூலம் புகழ்பெற்ற சுரேஷ் சங்கையா இயக்குகிறார். யோகி பாபு ஜோடியாக நடிகை விஜி சந்திரசேகரின் மகள் லவ்லின் நடிக்கிறார். இவர் ஏற்கெனவே ஹவுஸ் ஒனர் உள்ளிட்ட படங்களில் நடித்துள்ளார்.

எஸ்.ஆர்.ரமேஷ் பாபுவின் ஆர்.பி.டாக்கீஸ் மற்றும் ஜெகன் பாஸ்கரனின் பாக்ஸ் ஆபிஸ் ஸ்டுடியோஸ் ஆகியவை இணைந்து தயாரிக்கிறது. நிவாஸ் கே பிரசன்னா இசையமைக்க, வி. தியாகராஜன் ஒளிப்பதிவு செய்யவுள்ளார். படத்திற்கு இன்னும் டைட்டில் வைக்கவில்லை.

சுரேஷ் சங்கய்யா கூறும்போது “இந்த படத்தின் திரைக்கதை அனைத்து பார்வையாளர்களையும் ஈர்க்கும். இது ஒரு வேடிக்கையான ரோலர் கோஸ்டராக சமூக செய்தியுடன் இருக்கும்” என்றார்.

Leave a Comment

This site uses Akismet to reduce spam. Learn how your comment data is processed.