ஏப். 17ல் ரீ-ரிலீஸ் ஆகும் ‛கில்லி'
கடந்த 2004ல் தரணி இயக்கத்தில் விஜய், த்ரிஷா, பிரகாஷ்ராஜ் ஆகியோர் இணைந்து நடித்து வெளிவந்த படம் 'கில்லி'. இது தெலுங்கில் வெளிவந்த ஒக்கடு படத்தின் ரீமேக் படமாக வெளி வந்தாலும் அன்றைய காலகட்டத்தில் அதிக வசூலித்த தமிழ் படமாக மாறியது. விஜய்யின் சினிமா கேரியரில் உள்ள முக்கியமான படங்களில் ‛கில்லி'-யும் ஒன்று. வித்யாசாகர் இசையில் வெளிவந்த அத்தனை பாடல்களும் சூப்பர் ஹிட் அடித்தது.
சமீபகாலமாக பழைய படங்களை ரீ-ரிலீஸ் செய்து வருகின்றனர். இதற்கு ரசிகர்கள் மத்தியிலும் நல்ல வரவேற்பு கிடைத்து வருகிறது. அந்தவகையில் 3, வாரணம் ஆயிரம், வேட்டையாடு விளையாடு, பில்லா உள்ளிட்ட படங்கள் வரிசையில் இப்போது கில்லி படமும் ரீ-ரிலீஸ் ஆக உள்ளது. அதன்படி வருகின்ற ஏப்ரல் 17ம் தேதி அன்று கில்லி படம் ரீ ரிலீஸ் ஆவதாக அறிவித்துள்ளனர்.