பாரிஸ்,
பார்ப்பதற்கு வளையங்களாக காட்சியளிக்கும் பிரகாசமான ஒளிகள் நமது சூரியனைப் போல பல கோடி கோடி விண்மீன்கள் கொண்ட விண்மீன் கூட்டம். 50 மில்லியன் ஒளியாண்டுகள் தொலைவில் இருக்கும் கார்ட்வீல் உடுதிரளை (Galaxy) ஜேம்ஸ் வெப் டெலஸ்கோப் அகச்சிவப்பு தொழில்நுட்பத்தின் உதவியுடன் படம் பிடித்துள்ளது.
இது ஒரு பெரிய சுழல் விண்மீனுக்கும் சிறிய விண்மீனுக்கும் இடையே மோதியதைத் தொடர்ந்து உருவானது. இது வேகன் சக்கரத்தின் தோற்றத்தை அளிக்கிறது. இது இரண்டு வளையங்களைக் கொண்டுள்ளது . ஒரு பிரகாசமான உள் வளையம் மற்றும் வண்ணமயமான வெளிப்புற வளையம். இந்த இரண்டு வளையங்களின் ஏற்பட்ட மோதலின் கேலக்ஸியின் மையத்திலிருந்து வெளிப்புறமாக விண்மீன் கூட்டத்தை விரிவடைய வைக்கிறது.
இதற்கு முன்பு ஹப்பில் டெலஸ்கோப் இந்த கேலக்ஸியை படம் எடுத்ததை விட மிக துல்லியமாகவும் தெளிவாகவாகவும் ஜேம்ஸ் வெப் டெலஸ்கோப் படம் எடுத்துள்ளது. கார்ட்வீல் கேலக்ஸியின் பிரகாசமாக தெரியும் மையமானது மிகப்பெரிய அளவிலான இளம் நட்சத்திரக் கூட்டங்களின் இல்லமாக உள்ளது.
வெளிப்புற வளையம் மோதலின் மையத்திலிருந்து சுமார் 440 மில்லியன் ஆண்டுகளாக விரிவடைந்து வருகிறது. அது விரிவடைந்து சுற்றியுள்ள வாயுவை தாக்கும் போது, நட்சத்திரங்கள் உருவாகின்றன. கார்ட்வீல் கேலக்ஸியானது மோதுவதற்கு முன் பால்வெளி போன்ற சாதாரண விண்மீன் மண்டலமாக இருக்கலாம்” என்றும், எதிர்காலத்தில் அதன் வடிவம் மற்றும் கட்டமைப்பில் மாற்றம் தொடரும் என்றும் நாசா தெரிவித்துள்ளது.
மேலும் வரும் வாரங்களில் தொடர்ச்சியாக ஜேம்ஸ் வெப் டெலஸ்கோப் எடுத்த புகைப்படங்களை வெளியிட உள்ளதாக நாசா தெரிவித்துள்ளது.