மீண்டும் மும்பை கதையில் நடிக்கும் விஜய்
வாரிசு படத்தில் நடித்துக் கொண்டிருக்கும் விஜய், அடுத்தபடியாக லோகேஷ் கனகராஜ் இயக்கும் தனது 67வது படத்தில் நடிக்க போகிறார். இப்படத்தின் கதை பணிகளை தொடங்கி விட்டதாக சமீபத்தில் தெரிவித்த லோகேஷ் கனகராஜ், தற்காலிகமாக தான் அனைத்து சமூகவலைதளங்களில் இருந்து வெளியேறுவதாகவும் அறிவித்திருந்தார்.
இந்த நிலையில் தற்போது விஜய் 67வது படத்தின் லொகேஷன் பார்ப்பதற்கு லோகேஷ் கனகராஜ் மும்பைக்கு சென்றிருப்பதாக ஒரு தகவல் வெளியாகியிருக்கிறது. காரணம் இப்படம் மும்பை பின்னணி கொண்ட கேங்ஸ்டர் கதைக்களத்தில் உருவாகிறதாம். மேலும் இதற்கு முன்பு ஏ. எல். விஜய் இயக்கத்தில் விஜய் நடித்த தலைவா படமும் மும்பை கதைக்களத்தில் தான் உருவானது என்பது குறிப்பிடத்தக்கது.