கோவை உக்கடம் கோட்டைமேடு பகுதியிலுள்ள சங்கமேஸ்வரர் கோவில் அருகே சனிக்கிழமை நள்ளிரவில் மாருதி கார் திடீரென திடீரென வெடித்து விபத்துக்குள்ளானது. காரில் உள்ள சிலிண்டர் வெடித்ததாக கூறப்படும் நிலையில் விசாரணை பல கோணங்களில் நடைபெற்று வருகிறது.
இந்த விபத்தில் காரில் பயணம் செய்த ஜமேசா முபின் உடல் கருகி சம்பவ இடத்திலேயே உயிரிழந்தார்.
தகவலறிந்து அங்கு விரைந்த போலீசார் தீவிர விசாரணை மேற்கொண்டனர். கோவில் அருகில் விபத்து ஏற்பட்டதை தொடர்ந்து, நான்கு புறமும் சுமார் அரை கிலோ மீட்டர் தூரத்திற்கு தடுப்பு வேலிகள் அமைத்துள்ள போலீசார், அங்கு செல்ல அனுமதி மறுத்துள்ளனர். இதன் காரணமாக அப்பகுதியில் பெரும் பரபரப்பு ஏற்பட்டது.
கோவையில் காரில் சிலிண்டர் வெடித்த விபத்தில் உயிரிழந்த ஜமேசா முபின் வீட்டில் வெடிப்பொருட்கள் கண்டெக்கப்பட்டது.
இதுகுறித்து தமிழ்நாடு டிஜிபி சைலேந்திரபாபு உயிரிழந்த நபர் மீது வழக்குகள் இல்லை, ஆனால் அவர் வீட்டில் என்.ஐ.ஏ சோதனை நடைபெற்றுள்ளது. சதி திட்டத்திற்காக வெடி பொருட்களை வைத்திருந்திருக்கலாம் என கூறியுள்ளார்.
உயிரிழந்த ஜமேசா முபின் வீட்டிலிருந்து மர்ம நபர்கள் சில பொருள்களை எடுத்துச் செல்வது போன்ற சிசிடிவி காட்சிகள் வெளியாகி பரபரப்பை ஏற்படுத்தி வருகிறது. இதுகுறித்து விசாரணை தொடர்ச்சியாக நடைபெற்றுவருகிறது.