தினசரி நீங்கள் UPI Payment முறையை பயன்படுத்துபவர் என்றால் உங்களுக்கு இனி புதிய நிபந்தனை ஒன்று RBI மூலம் விதிக்கப்பட்டுள்ளது. அதன்படி இந்த நீங்கள் UPI மூலம் பணம் செலுத்தினால் ஒரு நாளைக்கு அதிகபட்சம் 1 லட்சம் ரூபாய் மட்டுமே செலுத்தமுடியும்.
NPCI (National payments Corporation of india) அமைப்பு கடந்த சில ஆண்டுகளுக்கு முன்னர் UPI (Unified Payment Interface) எனும் முறையை அமல்படுத்தியது. இதனால் இந்தியாவில் ஆன்லைன் மூலம் பணம் செலுத்துவது அதிகரித்தது.
மக்கள் அவர்கள் ஷாப்பிங் செய்யவும், நண்பர்கள் உறவினர்களுக்கு பணம் அனுப்பவும் இந்த UPI முறையை பயன்படுத்தினார்கள். இதனால் வங்கியில் இருந்து வங்கிக்கு பணம் செலுத்துவது மிகவும் சுலபமானது. தற்போது அரசு அதற்கு புதிய கட்டுப்பாடு விதித்துள்ளது.
UPI பரிவர்த்தனை அளவுஒரு நாளைக்கு இனி அதிகபட்சமாக 1 லட்சம் ரூபாய் மட்டுமே அனுப்பமுடியும். சிறிய வங்கிகளாக உள்ள Canara Bank போன்ற வங்கிகள் அதை இன்னும் குறைத்து ஒரு நாளைக்கு அதிகபட்சம் 25 ஆயிரம் ரூபாய் என்ற அளவை வைத்துள்ளது.
பெரிய வங்கிகளாக உள்ள SBI போன்ற வங்கிகளில் ஒரு நாளைக்கு 1 லட்சம் ரூபாய் வரை பணம் அனுப்பலாம். ஒரு நாளைக்கு நாம் UPI மூலம் 20 முறை மட்டுமே பணம் அனுப்பமுடியும். இது தாண்டிவிட்டால் நாம் அடுத்த நாள் வரும் வரை காத்திருக்கவேண்டும். இது ஒவ்வொரு வங்கிக்கும் மாறுபடும்.
பெரிய அளவு தொகையை எப்படி அனுப்புவது?நீங்கள் ஒரு நாளைக்கு 1 லட்சம் ரூபாய்க்கு மேல் பணம் அனுப்பவேண்டும் என்றால் அதற்கு ஒரு வழி உள்ளது. அதாவது நீங்கள் எந்த வங்கியில் உங்களின் கணக்கை வைத்துள்ளீர்களோ அந்த வங்கிக்கு நேரடியாக சென்று பெரிய அளவு பணத்தை அடுத்தவருக்கு அனுப்பலாம்.
இல்லையென்றால் அந்த வங்கியின் அதிகாரபூர்வ இணையதளத்தை திறந்து அல்லது ஆப் மூலமாகாவோ பணத்தை அனுப்பலாம். இது எப்படி என்று தெரிந்தால் மட்டுமே பணத்தை அனுப்பவும். இல்லையென்றால் தெரிந்தவர்கள் அல்லது வங்கியிடம் நேரடியாக செல்வது சிறந்தது.
Paytm UPIUPI பணபரிவர்தனையை முதல் முதலாக தொடங்கிய Paytm நிறுவனம் ஒரு நாளைக்கு 1 லட்சம் ரூபாய் வரை பணம் அனுப்ப அனுமதிக்கிறது. மேலும் ஒரு மணிநேரத்திற்கு 20 ஆயிரம் ரூபாய் வரை மட்டுமே அனுப்பமுடியும். ஒரு நாளைக்கு 20 முறை மட்டுமே UPI பயன்படுத்தமுடியும்.
Phone Pe UPIஇந்திய தயாரிப்பான Phone Pe UPI மூலம் நாம் ஒரு நாளைக்கு அதிகபட்சம் 1 லட்சம் ரூபாய் அனுப்பலாம். ஒரு நபர் ஒரு நாளைக்கு 10 முதல் 20 முறை மட்டுமே Phone Pe பயன்படுத்தமுடியும்.
Google Pay UPIஇந்தியாவில் பிரபலமாக உள்ள GPay இனி ஒரு நாளைக்கு 1 லட்சம் ரூபாய் மட்டுமே அனுப்ப பயனர்களை அனுமதிக்கும். அதுவும் மொத்தமாக 10 முறை மட்டுமே நாம் பயன்படுத்தமுடியும்.
Amazon Pay UPIஇந்த நிறுவனமும் ஒரு நாளைக்கு அதிகபட்சம் 1 லட்சம் ரூபாய் வரை அனுப்ப அனுமதிக்கிறது. முதல் முதலாக Amazon Pay பயன்படுத்தும் பயனர்கள் முதல் 24 மணிநேரத்தில் 5000 ஆயிரம் ரூபாய் மட்டுமே அனுப்பமுடியும். ஒரு நாளைக்கு 20 முறை மட்டுமே பணம் அனுப்பலாம்.