தமிழ் சினிமாவில் முன்னணி நடிகராக வலம் வருபவர் சிவகார்த்திகேயன். சின்னத்திரையில் இருந்து வெள்ளித்திரையில் வெற்றி நாயகனாக வலம் வரும் சிவகார்த்திகேயன் தற்போது மண்டேலா படத்தை இயக்கிய அஸ்வின் இயக்கத்தில் மாவீரன் படத்தில் நடித்து வருகின்றார்.
இடையில் சில தோல்வி படங்களால் துவண்டிருந்த சிவகார்த்திகேயன் டாக்டர் மற்றும் டான் படங்களின் வெற்றியின் மூலம் மீண்டும் வெற்றிப்பாதைக்கு திரும்பினார். ஆனால் கடந்த தீபாவளி பண்டிகையை முன்னிட்டு வெளியான பிரின்ஸ் திரைப்படம் எதிர்பார்த்த வெற்றியை பெறவில்லை.
Avathar 2: அவதார் 2 படத்தை பார்த்த சிம்பு..என்ன சொல்லியிருக்காருனு நீங்களே பாருங்க..!
எனவே தான் தற்போது நடித்துக்கொண்டிருக்கும் மாவீரன் திரைப்படம் தன்னை மீண்டும் வெற்றிப்பாதைக்கு கொண்டுவரும் என நம்பியுள்ளார் சிவகார்த்திகேயன். இதையடுத்து ராஜ் கமல் பிலிம்ஸ் சார்பாக கமல் தயாரிக்கும் ஒரு படத்திலும் சிவகார்த்திகேயன் நடிக்கவுள்ளார்.
இந்நிலையில் சமீபத்தில் வந்த தகவலின் படி சிவகார்த்திகேயன் இயக்குனர் அவதாரம் எடுக்கவுள்ளார் என தெரிகின்றது. தமிழ்நாட்டை சேர்ந்த கிரிக்கெட் வீரர் டி.நடராஜனின் வாழ்க்கை வரலாற்றில் சிவகார்த்திகேயன் நடிக்கவுள்ளார் என்ற செய்தி கடந்த சில மாதங்களாக உலா வந்தன.
இதைத்தொடர்ந்து தற்போது டி.நடராஜன் தெரிவிக்கையில், தான் கிரிக்கெட்டில் இருந்து ஓய்வு பெற்ற பிறகு என் வாழ்க்கை வரலாற்றை சிவகார்த்திகேயன் இயக்கவுள்ளார் என தெரிவித்தார். இதையடுத்து சிவகார்த்திகேயன் நடராஜனின் வாழ்க்கை வரலாற்றை இயக்கி நடிக்கவுள்ளார் என தெரிகின்றது. இருப்பினும் இதைப்பற்றி சிவகார்த்திகேயன் அதிகாரபூர்வமாக அறிவிக்கவில்லை என்பது குறிப்பிடத்தக்கது.