திண்டுக்கல் மாவட்டம் வேடசந்தூர் அருகே அதிமுக முன்னாள் அமைச்சர் எம்.ஆர்.விஜயபாஸ்கர் கார் மீது மர்ம நபர்கள் தாக்குதல் நடத்தியது குறித்து போலீசார் விசாரணை நடத்தி வருகின்றனர்.
வேடசந்தூர் அருகே கரூர் – திண்டுக்கல் தேசிய நெடுஞ்சாலையில் எம்.ஆர். விஜயபாஸ்கர் தனது ஆதரவாளர்களுடன் கரூர் நோக்கி காரில் சென்று கொண்டிருந்தார்.
அப்போது, நாகம்பட்டி பாலம் அருகே 4-க்கும் மேற்பட்ட கார்களில் வந்த மர்ம நபர்கள், எம்.ஆர். விஜயபாஸ்கரின் வாகனத்தை மறித்து அதன் கண்ணாடியை உடைத்ததுடன், அவருடன் காரில் வந்த கரூர் மாவட்ட ஊராட்சி குழு துணைத் தலைவர் பதவிக்குப் போட்டியிட்ட திருவிகா என்பவரையும் கடத்திச் சென்றதாக சொல்லப்படுகிறது.