நேற்று நள்ளிரவு அர்ஜென்டினா மற்றும் பிரான்ஸ் அணிகளுக்கு இடையிலான உலகக் கோப்பை கால்பந்து போட்டியின் இறுதி ஆட்டம் ஆரவாரமாக நடந்தது. இந்த போட்டியில் அர்ஜென்டினா அணி அபார வெற்றி பெற்றது. இதனை அடுத்து அந்த அணியின் மெஸ்ஸிக்கு சோஷியல் மீடியாவில் கால்பந்து ரசிகர்கள் முதல் பிரபலங்கள் வரை பலரும் வாழ்த்துக்களை குவித்து வருகின்றனர்.
இந்நிலையில் இந்த வெற்றி குறித்து பிரபல இயக்குனர் மிஷ்கின் இது தனது சமூக வலைத்தளத்தில் உணர்ச்சிகரமான பதிவு ஒன்றை பகிர்ந்துள்ளார். அதில், சிறு பிராயத்தில் நான் விளையாடிய கால்பந்தாட்டத்தை மறந்து இன்று மீண்டும் மெஸ்ஸியின் மூலமாகப் புதிதாகப் புரிந்து கொண்டேன். மெஸ்ஸி அர்ஜெண்டினாவுக்கு மட்டுமல்ல, இந்த பிரபஞ்சத்துக்கே சொந்தமானவர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
பந்திற்கும் அவரின் காலிற்கும் இடையே பெரும் புவியீர்ப்பு விசை இயங்குகிறது. கன நேரத்தில் நூறு முடிவுகளை அந்த மனிதரின் அசாத்திய மூளை எடுக்கிறது. மெஸ்ஸியின் ஒவ்வொரு அசைவிலும் இசைப் பிறக்கிறது. ப்ருஸ் லீ, மைக்கேல் ஜாக்சன் போல மெஸ்ஸி நம் மனதுகளில் விளையாடுகிறார்.
Varisu vs Thunivu: நேத்து ‘துணிவு’.. இன்னைக்கு ‘வாரிசு’: சரியான போட்டியா இருக்கே.!
வான்காவைப் போல், நெருடாவைப் போல், பீத்தோவனைப் போல் மெஸ்ஸியும் ஒரு மகா கலைஞன். அன்பு மெஸ்ஸியே, உன் கால்களை நான் முத்தமிடுகிறேன்” என உணர்ச்சி போங்க பதிவிட்டுள்ளார் இயக்குனர் மிஷ்கின். அவரின் இந்த பதிவு தற்போது சோசியல் மீடியாவில் வைரலாகி வருகிறது. இதே போல் தனுஷ் உள்ளிட்ட பல திரையுலக பிரபலங்கள் மெஸ்ஸிக்கு வாழ்த்து தெரிவித்து வருகின்றனர்.
Ajith Kumar: அஜித்தை விட லெஜண்ட் அண்ணாச்சி தான் டாப்: கொளுத்தி போட்ட ப்ளூ சட்டை மாறன்.!
மிஷ்கின் தற்போது ‘பிசாசு 2’ படத்தை இயக்கி முடித்துள்ளார். ஆண்ட்ரியாவை பிரதானமாக கொண்டு இந்த படத்தின் திரைகதை அமைக்கப்பட்டுள்ளது. பூர்ணா, ராஜ்குமார் பிச்சுமணி உள்ளிட்டோரும் இந்த படத்தில் நடிக்கின்றனர். இந்த படத்தை ராக்போர்ட் எண்டர்டையின்மெண்ட் நிறுவனம் தயாரிக்கிறது. கார்த்திக் ராஜா இசையமைக்கிறார். இதன் படப்பிடிப்பு நிறைவடைந்து ரிலீசுக்கு தயாராகவுள்ளது குறிப்பிடத்தக்கது.