புது கூட்டணிவிஜய் முதல்முறையாக வம்சியின் இயக்கத்தில் வாரிசு படத்தில் நடித்துள்ளார். மேலும் இப்படத்தில் விஜய்க்கு ஜோடியாக ராஷ்மிகா நடிக்க தமன் இப்படத்திற்கு இசையமைத்துள்ளார். இவ்வாறு விஜய் முற்றிலும் புது கூட்டணியுடன் களமிறங்குவதால் இப்படத்தை ரசிகர்கள் ஆவலாக எதிர்பார்த்துள்ளனர். மேலும் இப்படம் வழக்கமான விஜய் படங்களை போல இல்லாமல் சற்று வித்யாசமாக இருக்கும் என்ற தகவல் ரசிகர்களின் எதிர்பார்ப்பை அதிகரித்தது. இதைத்தொடர்ந்து இப்படம் வருகின்ற பொங்கல் பண்டிகையை முன்னிட்டு திரையில் வெளியாகவுள்ளது
மோதல்விஜய்யின் வாரிசு திரைப்படம் பொங்கல் பண்டிகையை முன்னிட்டு திரையில் வெளியாகவுள்ள நிலையில் அஜித்தின் துணிவு படமும் அதே தினத்தில் வெளியாகின்றது. வினோத் இயக்கத்தில் அஜித் நடிக்கும் மூன்றாவது படமான துணிவு திரைப்படம் பொங்கல் பண்டிகையை முன்னிட்டு திரையில் வெளியாகின்றது. இதன் மூலம் அஜித் மற்றும் விஜய்யின் படங்கள் பல ஆண்டுகளுக்கு பிறகு மீண்டும் ஒரே தினத்தில் வெளியாகவுள்ளது. கடந்த 2014 ஆம் ஆண்டு ஜில்லா மற்றும் வீரம் ஆகிய படங்கள் ஒரே தினத்தில் வெளியாகின. அதன் பிறகு எட்டு ஆண்டுகள் கழித்து விஜய் மற்றும் அஜித்தின் படங்கள் மோதவுள்ளன
பாடல்கள்விஜய்யின் வாரிசு படத்தின் எதிர்பார்ப்பை மேலும் அதிகரிக்கும் வகையில் அப்படத்தின் பாடல்கள் அமைந்துள்ளன. முதல் பாடலாக விஜய் பாடிய ரஞ்சிகாமே பாடல் வெளியாகி மாஸ் ஹிட்டடித்தது. அதைத்தொடர்ந்து சிம்பு பாடிய தீ தளபதி பாடல் பலரது ரிங்டோனாக மாறியது. அதன் பிறகு கடந்த வாரம் பாடகி சித்ராவின் குரலில் அம்மா செண்டிமெண்ட் பாடல் வெளியாகி அனைத்து விதமான ரசிகர்களையும் வெகுவாக ஈர்த்தது. இந்நிலையில் சில தினங்களுக்கு முன்பு வாரிசு இசை வெளியீட்டு விழா சென்னையில் மிகப்பிரமாண்டமாக நடத்தப்பட்டது
அபராதம்சென்னை நேரு ஸ்டேடியத்தில் வாரிசு இசை வெளியீட்டு விழா மிகப்பிரமாண்டமாக நடைபெற்றது. கடைசியாக வெளியான பீஸ்ட் படத்திற்கு இசை வெளியீட்டு விழா நடைபெறாத நிலையில் இரண்டு ஆண்டுகளுக்கு பிறகு விஜய்யின் படத்திற்கு இசை வெளியீட்டு விழா நடைபெற்றது. எனவே விஜய்யை மேடையில் பார்த்து இரண்டு ஆண்டுகள் ஆனதால் ரசிகர்கள் அவரை கண்டவுடன் குஷியில் ஆர்ப்பரித்தனர். இதன் விளைவாக நேரு ஸ்டேடியத்தில் பல இருக்கைகள் சேதமடைந்துள்ளதாம். சில ரசிகர்கள் ஆர்வத்தில் நேரு ஸ்டேடியத்தில் உள்ள இருக்கைகளை சேதப்படுத்தியுள்ளதால் படத்தின் தயாரிப்பு நிறுவனத்திடமிருந்து அபராதம் வசூலிக்கப்படும் என தகவல் வந்துள்ளது. சேதத்தை கணக்கெடுத்து அதற்கு ஏற்றார் போல அபராதம் விதிக்கப்படும் என தெரிகின்றது
