சூரரைப்போற்று ஹிந்தி ரீமேக் பணியில் ஜி.வி.பிரகாஷ் சுறுசுறுப்பு
சுதா கெங்கரா இயக்கத்தில் சூர்யா நடிப்பில் கடந்த 2020ம் ஆண்டு ஓடிடி தளத்தில் வெளியாகி வெற்றி பெற்ற படம் சூரரைப்போற்று. 5 தேசிய விருதுகளை வென்ற இந்த படத்தை தற்போது ஹிந்தியில் அக்சய் குமாரை வைத்து ரீமேக் செய்து வருகிறார் சுதா. இப்படத்தில் சூர்யாவும் கெஸ்ட் ரோலில் நடிக்கிறார். சில மாதங்களாக இப்படத்தின் படப்பிடிப்பு நடைபெற்று வரும் நிலையில் தற்போது சூரரைப்போற்று ஹிந்தி ரீமேக் படத்திற்கு இசையமைக்கும் ஜி.வி.பிரகாஷ்குமார் அப்படம் குறித்து ஒரு அப்டேட் கொடுத்துள்ளார்.
அதில், ஹிந்தி சூரரைப்போற்று படத்தின் பாடல் ரெக்கார்டிங் பணிகள் விறுவிறுப்பாக நடைபெற்று வருகிறது. இந்த படத்தின் பாடல்கள் பிரத்யேகமாக ஒலிப்பதிவு செய்யப்பட்டிருப்பதாகவும் தெரிவித்துள்ள அவர், இந்த பாடல்கள் வெளியாவது குறித்த அறிவிப்புகள் விரைவில் வெளியாகும் என்றும் தெரிவித்துள்ளார். இந்த பதிவுடன் இயக்குனர் சுதா கெங்கராவுடன் தான் எடுத்துக்கொண்ட ஒரு செல்பியையும் பதிவிட்டுள்ளார் ஜி.வி.பிரகாஷ்குமார்.