Lokesh Kanagaraj: லியோ படத்தில் நடித்து வரும் ஆக்ஷன் கிங் அர்ஜுன் தன் கேரக்டரை பற்றி பேசியிருக்கிறார்.
லியோலோகேஷ் கனகராஜ் இயக்கத்தில் விஜய், த்ரிஷா, அர்ஜுன், சஞ்சய் தத், மிஷ்கின், கவுதம் மேனன், ப்ரியா ஆனந்த் உள்ளிட்டோர் நடித்து வரும் படம் லியோ. படப்பிடிப்பு தற்போது காஷ்மீரில் நடந்து வருகிறது. விஜய் மற்றும் படக்குழுவினர் காஷ்மீரில் குளிர்காயும் புகைப்படம் வெளியாகி ரசிகர்களை கவர்ந்தது. இந்நிலையில் படம் குறித்து அர்ஜுன் பேசியிருக்கிறார்.
அர்ஜுன்லியோ படத்தில் அர்ஜுன் நடிக்கிறார் என்றதுமே, அய்யய்யோ அவர் வில்லனாக நடித்தால் மாஸாக இருக்குமே, விஜய்ணா கதாபாத்திரம் தான் பாவம் என ரசிகர்கள் பேசத் துவங்கினார்கள். லோகேஷ் கனகராஜ் படங்களில் வில்லன் கதாபாத்திரம் கெத்தாக இருக்கும் என்பதால் தான் ரசிகர்களுக்கு அப்படி ஒரு கவலையே வந்தது. இந்நிலையில் அர்ஜுன் கூறியிருப்பதை கேட்டவர்களுக்கு சந்தோஷம் இல்லை.
கதாபாத்திரம்பேட்டி ஒன்றில் அர்ஜுன் கூறியிருப்பதாவது, லோகேஷ் கனகராஜ் இயக்கத்தில் வெளியான கைதி மற்றும் விக்ரம் படங்களை பார்த்தேன். வித்தியாசமான படங்களை அளித்து வரும் லோகேஷ் கனகராஜ் இயக்கத்தில் நடிப்பது மகிழ்ச்சியாக இருக்கிறது. லியோ படத்தில் என்னை வேற மாதிரி ஸ்டைலில் காட்டவிருக்கிறார் லோகேஷ். இதுவரை நான் நடித்திராத கதாபாத்திரம் அது. படம் பார்க்கும்போது உங்களுக்கே தெரியும் என்றார்.
ரசிகர்கள்அர்ஜுன் கூறியதை கேட்ட ரசிகர்கள் கூறியிருப்பதாவது, சந்தோஷம் சார். உங்களை வேற மாதிரி பார்க்க நாங்களும் ஆவலாக இருக்கிறோம். அர்ஜுனின் கதாபாத்திரம் விஜய்ணாவின் கதாபாத்திரத்தை விட ஸ்டைலாகவும், மாஸாகவும் இருந்துவிடக் கூடாது. மாஸ்டரில் விஜய்ணாவுக்கு விஜய் சேதுபதி செய்ததை அர்ஜுன் செய்துவிடக் கூடாது என்கிறார்கள்.
Leo, Trisha: அடப்பாவமே, இதுக்கு தான் த்ரிஷா சொன்னதை கேட்டு விஜய் அப்படி சிரித்தாரா!
லோகேஷ்லியோ படத்தின் கதை லோகேஷ் கனகராஜின் எல்.சி.யூ. என்று கூறப்படுகிறது. லியோ தலைப்பை அறிவிக்கும் வகையில் வெளியான ப்ரொமோ வீடியோவில் விஜய் கெத்தாக இருந்தார். ஆனால் ப்ரொமோ வீடியோவை பார்த்தால் விக்ரம் படத்தை பார்ப்பது போன்று இருக்கிறதே என்று விமர்சனம் எழுந்தது. வழக்கம் போன்று விளக்கம் எதுவும் அளிக்காமல் தன் வேலையை மட்டும் செய்து வருகிறார் லோகேஷ் கனகராஜ்.
த்ரிஷாLeo, Trisha: ஒரு வீடியோ, ஒரு ரீட்வீட்: லியோ சர்ச்சையை முடித்து வைத்த த்ரிஷாலியோ படத்தின் நாயகி த்ரிஷா. இந்நிலையில் அவர் லியோ படத்தில் இருந்து விலகிவிட்டார் என தகவல் வெளியாகி விஜய் ரசிகர்களை அதிர்ச்சி அடைய வைத்தது. அதன் பிறகே அந்த தகவல் வெறும் வதந்தி என்பதை அறிந்து நிம்மதி அடைந்தார்கள். 14 ஆண்டுகள் கழித்து சேர்ந்து நடிக்கும் விஜய்யும், த்ரிஷாவும் ஒரு பாடலுக்காவது மாஸாக ஆட வேண்டும் என்பதே ரசிகர்களின் ஆசை ஆகும்.