கோலிவுட் சினிமாவே எதிர்பார்க்கும் மிகப்பெரிய படமாக ‘லியோ’ உருவாகி வருகிறது. இதன் படப்பிடிப்பிற்காக தற்போது காஷ்மீரில் படக்குழுவினர் முகாமிட்டுள்ளனர். இந்நிலையில் ‘லியோ’ பட ஷுட்டிங் ஸ்பாட் புகைப்படம் மற்றும் வீடியோக்கள் சோஷியல் மீடியாவில் வைரலாவது தொடர்பாக படக்குழு எச்சரிக்கை ஒன்றை வெளியிட்டுள்ளது.
விஜய்யின் ‘லியோ’ படப்பிடிப்பு துவங்கி விறுவிறுப்பாக நடந்து வருகிறது. இந்தப்படம் குறித்த அறிவிப்பு வெளியானதில் இருந்தே ரசிகர்கள் எக்கச்சக்க எதிர்பார்ப்பில் உள்ளனர். கடந்த மாதம் தமிழ், தெலுங்கு மொழியில் வெளியான விஜய்யின் ‘வாரிசு’ படத்தை வம்சி பைடிபள்ளி இய்க்கிருந்தார். இந்தப்படம் வசூலில் சக்கை போடு போட்டது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
மாஸ்டர் படத்தின் வெற்றிக்கு பிறகு இரண்டாவது முறையாக விஜய் லோகேஷ் கனகராஜ் கூட்டணி இணைந்துள்ளது. தளபதி 67 என்று அழைக்கப்பட்டு வந்த இந்தப்படத்திற்கு ‘லியோ’ என தலைப்பு வைக்கப்பட்ட டைட்டில் வீடியோ அண்மையில் வெளியானது. லோகேஷின் ‘விக்ரம்’ பட பாணியில் வெளியான ‘லியோ’ டைட்டில் வீடியோ இணையத்தில் வைரலானதை தொடர்ந்து விஜய் ரசிகர்கள் மத்தியிலும் வரவேற்பினை பெற்றது.
மேலும், லோகேஷ் கனகராஜின் LCU எனப்படும் லோகேஷ் சினிமாட்டிக் யுனிவர்ஸ் பாணியில் ‘லியோ’ உருவாகி வருவதாகவும் கூறப்படுகிறது. பொதுவாக லோகேஷின் முந்தைய படங்களின் காட்சியை தொடர்புப்படுத்தி அடுத்தப்படம் உருவாவது LCU என அழைக்கப்படுகிறது. அந்த வகையில் லியோவில் கமல், சூர்யா, கார்த்தி கதாபாத்திரங்கள் இடம்பெறுமா என்ற எதிர்பார்ப்பு ரசிகர்கள் மத்தியில் எழுந்துள்ளது.
Dada: ‘டாடா’ படம் குறித்து லோகேஷ் கனகராஜ் சொன்ன விஷயம்: நெகிழ்ந்து போன கவின்.!
‘லியோ’ படத்தில் சஞ்சய் தத், மிஷ்கின், திரிஷா, கெளதம் மேனன், பிரியா ஆனந்த், மேத்யூ தாமஸ், அர்ஜுன், மன்சூர் அலிகான், மற்றும் சாண்டி உள்ளிட்டோர் நடிப்பதாக படக்குழு அதிகாரப்பூர்வமாக அறிவித்துள்ளது. மேலும், செவன் ஸ்கீரின் ஸ்டுடியோ தயாரிக்கும் இந்தப்படத்திற்கு அனிருத் இசையமைக்கிறார். இந்நிலையில் காஷ்மீரில் நடக்கும் ‘லியோ’ படப்பிடிப்பின் சில படங்கள் மற்றும் வீடியோக்கள் இணையத்தில் லீக்காகிவுள்ளன.
LEO: விஜய்யின் ‘லியோ’ படத்தில் இந்த பிக்பாஸ் பிரபலமா.?: லோகேஷின் அடுத்த ட்விஸ்ட்.!
இதனை இணையத்தில் பகிர வேண்டாம் என ‘லியோ’ படக்குழுவினர் எச்சரிக்கை விடுத்துள்ளனர். மீறி பகிர்ந்தால் விதிமீறல் லிங்குகள் எச்சரிக்கை எதுவும் இல்லாமல் உடனடியாக நீக்கப்படும்” என்று ட்விட்டரில் கடுமையாக எச்சரித்துள்ளது. ‘லியோ’ படம் ஆயுத பூஜை விடுமுறையை குறி வைத்து அக்டோர் 19 ஆம் ரிலீசாகவுள்ளதாக படக்குழு அறிவித்துள்ளது குறிப்பிடத்தக்கது.