ஒரு பக்கம் விஜய் மற்றும் அஜித் ரசிகர்கள் மோதிக்கொண்டிருக்க, மறுபக்கம் விஜய் மற்றும் ரஜினி ரசிகர்கள் மோதலில் ஈடுப்பட்டு வருகின்றனர். இதற்கெல்லாம் யார் அடுத்த சூப்பர்ஸ்டார் என்ற கேள்வி தான் முக்கிய காரணம். ரஜினியை பார்த்து ரஜினி ரசிகராக தமிழ் சினிமாவில் அறிமுகமான விஜய் இன்று உச்ச நட்சத்திரமாக ஜொலித்து வருகின்றார்.
இதைப்பார்த்த சிலர் விஜய் தான் தமிழ் சினிமாவின் அடுத்த சூப்பர்ஸ்டார் என கருத்துக்களை தெரிவிக்க அது ரஜினி ரசிகர்களை சீண்டியது. மேலும் வாரிசு பட விழாவில் சரத்குமார், விஜய் அடுத்த சூப்பர்ஸ்டார் என்ற அந்தஸ்தை அடைந்துவிட்டார் என கூறியது பெரும் பரபரப்பை ஏற்படுத்தியது.
விஜய் ரசிகர்களை பொறுத்தவரை சூப்பர்ஸ்டார் என்பது நிரந்தர பட்டம் கிடையாது. காலத்திற்கு ஏற்றாற்போல மாறிவரும் என்கின்றனர். ரஜினி ரசிகர்களை பொறுத்தவரை தமிழ் சினிமாவில் என்றும் ரஜினி தான் சூப்பர்ஸ்டார் என்கின்றனர். இது பெரும் மோதலாக வெடித்து வருகின்றது. இதையடுத்து தற்போது விஜய் ரசிகர்கள் சிலர் ஆதாரத்துடன் ரஜினியை விமர்சித்து வருகின்றனர்.
Varisu, Vijay: செம்ம மாஸ்… தெறிக்கவிடும் வாரிசு படத்தின் நீக்கப்பட்ட காட்சிகள்!
என்னவென்றால் பொதுவாக விஜய் சில ஆண்டுகளுக்கு முன்பு வரை பல ரீமேக் படங்களில் நடித்துள்ளார். கில்லி துவங்கி போக்கிரி வரை பல ரீமேக் படங்களில் விஜய் நடித்துள்ளதால் அவரை ரீமேக் ஸ்டார் என சில ரசிகர்கள் விமர்சித்தனர். குறிப்பாக ரஜினி ரசிகர்கள் விஜய்யை ரீமேக் ஸ்டார் என குறிப்பிட்டு விமர்சித்தனர்.
மோகன். G-க்கு 5 லட்சம் மதிப்புள்ள வாட்ச்-ஐ பரிசாக வழங்கிய தயாரிப்பாளர்
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதனால் கொந்தளித்த விஜய் ரசிகர்கள் ரஜினி நடித்த ரீமேக் படங்களை கணக்கிட துவங்கினர். ரஜினி தன் திரைவாழ்க்கையில் ஐம்பதிற்கும் மேற்பட்ட ரீமேக் படங்களில் நடித்துள்ளார். அதிலும் 12 அமிதாப் பச்சனின் படங்களை ரஜினி ரீமேக் செய்துள்ளார். தில்லு முல்லு படத்தில் துவங்கி சந்திரமுகி வரை ரஜினியின் திரைவாழ்க்கையில் மிகப்பெரிய வெற்றியை பெற்ற படங்கள் அனைத்தும் ரீமேக் படங்களாகும்.
இதனை குறிப்பிட்டு உண்மையிலேயே ரீமேக் ஸ்டார் ரஜினி தான் விஜய் கிடையாது என விஜய் ரசிகர்கள் விமர்சிக்கின்றனர். மறுபக்கம் விஜய் அவரின் திரைவாழ்க்கையில் கிட்டத்தட்ட 15 ரீமேக் படங்களில் நடித்துள்ளார். காதலுக்கு மாறியதை, ப்ரியமானவளே, கில்லி, போக்கிரி என விஜய் நடித்த பல ரீமேக் படங்கள் மிகப்பெரிய வெற்றியை பெற்றுள்ளன.
கடைசியாக 2012 ஆம் ஆண்டு ஷங்கர் இயக்கத்தில் வெளியான நண்பன் படத்திற்கு பிறகு விஜய் ரீமேக் படங்களில் நடிக்கவில்லை. அதன் பிறகு விஜய் நடிப்பில் வெளியான பல படங்கள் மற்ற மொழிகளில் ரீமேக் ஆகிவருகின்றன. இந்நிலையில் ரஜினி ரசிகர்கள், ரஜினி என்னதான் ரீமேக் படங்களில் நடித்தாலும் முற்றிலும் மாறுபட்ட திரைக்கதையில் தான் அப்படங்கள் தமிழில் வெளியாகியுள்ளன.
உதாரணத்திற்கு சந்திரமுகி, அண்ணாமலை என பல படங்கள் கதையை மட்டும் எடுத்துக்கொண்டு புதுமையான திரைக்கதையுடன் உருவாக்கப்பட்டது என விமர்சனத்திற்கு பதிலளித்து வருகின்றனர் ரஜினி ரசிகர்கள். எனவே அடுத்த டாபிக் கிடைக்கும் வரை இந்த சண்டை ஓயாது என்பது போல தான் தெரிகின்றது.