புஷ்பா- 2 படத்தில் இணைந்த சாய் பல்லவி
கடந்த 2021ம் ஆண்டு அல்லு அர்ஜுன், ராஷ்மிகா மந்தனா, பகத் பாசில் உட்பட பலரது நடிப்பில் வெளியாகி வெற்றி பெற்ற படம் புஷ்பா. இந்த படத்தில் சமந்தாவும் ஒரு ஐட்டம் பாடலுக்கு நடனமாடி இருந்தார். இந்தநிலையில் தற்போது புஷ்பா படத்தின் இரண்டாம் பாக படப்பிடிப்பு விறுவிறுப்பாக நடைபெற்று வருகிறது. இந்த இரண்டாம் பாகத்திலும் முதல் பாகத்தில் நடித்த அல்லு அர்ஜூன், ராஷ்மிகா மந்தனா, பகத் பாசில் ஆகியோர் நடித்து வரும் நிலையில், தற்போது சாய் பல்லவியும் இணைந்திருக்கிறார். கதைக்கு திருப்புமுனை தரக்கூடிய ஒரு கதாபாத்திரத்தில் அவர் நடிக்கிறார். மேலும், தமிழில் கார்கி என்ற படத்தில் கடைசியாக நடித்த சாய் பல்லவி, தற்போது கமலின் ராஜ்கமல் பிலிம்ஸ் தயாரிக்கும் படத்தில் சிவகார்த்திகேயனுக்கு ஜோடியாக நடிக்கிறார்.