தமிழ் சினிமாவில் முன்னணி நடிகையாக திகழ்ந்தவர் அசின். திரையுலகின் உச்ச நட்சத்திரங்களான விஜய், அஜித்துக்கு ஜோடியாக நடித்துள்ளார். தமிழ் சினிமாவில் பீக்கில் இருந்த சமயத்திலே கல்யாணம் செய்து கொண்டு செட்டில் ஆகிவிட்டார். இன்றுவரையும் திரையுலகில் இவர் மீண்டும் ரீஎன்ட்ரி கொடுத்தால் வேறலெவலில் இருக்கும் என ரசிகர்கள் விரும்பி வருகின்றனர்.
தமிழ் மட்டும் இல்லாமல் தெலுங்கு, இந்தி என பல மொழி படங்களில் நடித்துள்ளார் அசின். தமிழில் இவர் நடிப்பில் வெளியான எம்.குமரன் சன் ஆப் மகாலட்சுமி, உள்ளம் கேட்குமே, கஜினி, வரலாறு, போக்கிரி, தசாவதாரம் படங்கள் பிளாக் பஸ்டர் ஹிட்டடித்தவை. இந்நிலையில் அஜித் நடிப்பில் வெளியாகி சக்கைபோடு போட்ட ‘பில்லா’ படத்தில் முதலில் அசின் நடிக்கவிருந்ததாக தகவல்கள் வெளியாகியுள்ளன.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
சூப்பர் ஸ்டார் ரஜினிகாந்த் நடிப்பில் வெளியான ’பில்லா’ படத்தின் ரீமேக்காக அஜித் நடிப்பில் ’பில்லா’ படம் உருவானது. கடந்த 2007 ஆம் ஆண்டு வெளியான இந்தப்படம் மிகப்பெரிய ஹிட்டடித்தது. விஷ்ணுவர்தன் இயக்கத்தில் உருவான பில்லா ரீமேக்கில் அஜித், நயன்தாரா, நமீதா, பிரபு உள்ளிட்ட பலர் நடித்திருந்தனர். அஜித்தின் ஸ்டைலிஷ் நடிப்பில் வெளியான இந்தப்படம் ரசிகர்கள் மத்தியில் அமோக வரவேற்பை பெற்றது.
Agilan Review: ‘அகிலன்’ படத்தை பங்கம் பண்ணிய ப்ளூ சட்டை: ஜெயம் ரவி பாவம்பா..!
மேலும் நயன்தாராவிற்கு இந்தப்படத்தில் இருந்து தான் ரசிகர்கள் வட்டம் பெருகியது. அத்துடன் பில்லா படத்தில் நயன்தாரா கிளாமரில் கலக்கியிருந்தார். அது மட்டுமில்லாமல் முதன்முறையாக இந்தப்படத்தில் தான் பிகினி அணிந்து நடித்திருந்தார் நயன்தாரா. இதன் தெலுங்கு வெர்ஷனில் நயன்தாராவின் கேரக்டரில் அனுஷ்கா நடித்திருந்தார்.
இந்நிலையில் லேட்டஸ்ட் தகவலாக ‘பில்லா’ படத்தில் நயன்தாரா கேரக்டரில் ஆரம்பத்தில் அசின் தான் நடிக்க ஒப்பந்தமானதாக தகவல்கள் வெளியாகியுள்ளது. இதற்காக எடுக்கப்பட்ட அசினின் ஸ்டைலிஷ் புகைப்படங்கள் தற்போது இணையத்தில் வைரலாகி வருகிறது. கடைசியில் கால்ஷீட் பிரச்சனை காரணமாக அசின் இந்தப்படத்திலிருந்து விலகியதை தொடர்ந்து நயன்தாரா அந்த கதாபாத்திரத்தில் நடித்துள்ளது குறிப்பிடத்தக்கது.
Varisu vs Thunivu: வாரிசு, துணிவு படங்களில் வசூலில் எது டாப்.?: ஓபனாக பேசிய உதயண்ணா.!