எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
தமிழ் சினிமாவில் தரமான படங்களை கொடுத்து தனக்கென தனி இடத்தை பிடித்துள்ளார் வெற்றிமாறன். பொல்லாதவன் படத்தின் மூலம் இயக்குனராக அறிமுகமான் வெற்றிமாறன் இதுவரை இயக்கிய அனைத்து படங்களுமே வெற்றி படங்களாகவே அமைந்துள்ளன.
ஆடுகளம், விசாரணை, வடசென்னை, அசுரன் என வெற்றிப்படங்களாக கொடுத்து வருகின்றார். இதில் ஆடுகளம் மற்றும் அசுரன் திரைப்படங்கள் தேசிய விருதை பெற்ற படங்களாகும். இந்நிலையில் சமீபத்தில் சூரியை நாயகனாக வைத்து வெற்றிமாறன் இயக்கிய விடுதலை திரைப்படம் வெளியானது.
Lokesh Kanagaraj: ரீசண்டாக நடந்த ரகசிய மீட்டிங்..முடிவான லோகேஷின் அடுத்த படம்..தரமான சம்பவம் லோடிங்..!
ரசிகர்கள் மத்தியில் மிகப்பெரிய வரவேற்பை பெற்ற இப்படம் வசூல் ரீதியாகவும் அமோகமான வெற்றியை பெற்றுள்ளது. ரசிகர்கள் உட்பட திரையுலகை சேர்ந்த பலரும் இப்படத்தை புகழ்ந்து தள்ளி வருகின்றனர்.
வெற்றிமாறனின் இயக்கம், சூரியின் நடிப்பு என படத்தில் அனைத்துமே சிறப்பாக வந்துள்ளதாகவும், வெற்றிமாறன் மீண்டும் ஒரு தரமான படைப்பை கொடுத்துள்ளார் எனவும் கூறி வருகின்றனர்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் கோமாளி, லவ் டுடே படங்களை இயக்கி பிரபலமான இயக்குனராகவும், நடிகராகவும் வலம் வரும் பிரதீப் ரங்கநாதன் போட்ட ட்வீட் ஒன்று தான் தற்போது வைரலாகி வருகின்றது. அந்த பதிவில், விடுதலை ஒரு சிறப்பான திரைப்படம், வெற்றிமாறன் மற்றும் டீமிற்கு என்னுடைய வாழ்த்துக்கள் என குறிப்பிட்டிருந்தார் பிரதீப்.
இதனை பார்த்த ரசிகர்கள், வெற்றிமாறன் இந்திய சினிமாவிலேயே மிகப்பெரிய இயக்குனராவார். அவரை சார் என குறிப்பிடாமல் வெறும் வெற்றிமாறன் என பிரதீப் பதிவிட்டிருந்தது மிகவும் தவறு என தங்கள் கருத்தை தெரிவித்து வருகின்றனர்.
மேலும் சிலர் இரண்டே படம் தான் இயக்கியுள்ளார், அதற்குள் இவ்வளவு திமிரா என அவரை கடுமையாக விமர்சித்து வருகின்றனர். இந்நிலையில் இதே போல தான் லவ் டுடே திரைப்படம் வெளியான போது ரசிகர்கள் சிலர் பிரதீப் ரங்கநாதனின் பழைய டிவீட்களை கிளறி அவரை கலாய்த்து வந்தனர். தற்போது மீண்டும் பிரதீப்பை கடுமையாக விமர்சித்து வருகின்றனர். பிரபலமானாலே ப்ராப்லம் தான் போலயே பிரதீப்.