ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
அஜித் நடிப்பில் பொங்கல் பண்டிகையை முன்னிட்டு வெளியான துணிவு திரைப்படம் மிகப்பெரிய வரவேற்பை பெற்று வெற்றி பெற்றது. இந்த வெற்றியினால் புது உத்வேகம் பெற்ற அஜித் அதே வேகத்தில் தன் அடுத்த படத்தை துவங்கலாம் என முடிவெடுத்தார்.
எனவே ஜனவரி மாதம் விக்னேஷ் சிவன் இயக்கத்தில் AK62 துவங்குவதாக இருந்த சமயத்தில் திடீரென விக்னேஷ் சிவன் இப்படத்திலிருந்து அதிரடியாக நீக்கப்பட்டார். இது கோலிவுட் வட்டாரத்தையே அதிர்ச்சியில் ஆழ்த்தியது. இதையடுத்து மகிழ் திருமேனியை AK62 படத்தின் இயக்குனராக ஒப்பந்தம் செய்தனர்.
Vijay,Ajith: விஜய்யை அஜித் இப்படி தான் கூப்பிடுவாராம்..அட இவ்ளோ நாள் இது தெரியாம போச்சே..!
மகிழ் திருமேனியும் அஜித்திடம் ஒன் லைன் கதையை சொல்ல அது அஜித்திற்கு மிகவும் பிடித்துவிட்டது. ஆனாலும் முழு கதையையும் கூறிய பின்னரே படத்தின் படப்பிடிப்பை துவங்கலாம் என அஜித் கூறியதை அடுத்து தற்போது வசனம் மற்றும் திரைக்கதையை உருவாக்கும் பணியில் ஈடுபட்டுள்ளார் மகிழ் திருமேனி.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
அதன் காரணமாகவே இப்படத்தின் அதிகாரபூர்வ அறிவிப்பு வெளியாக தாமதமாகி வருகின்றது. இந்நிலையில் இப்படத்தின் அறிவிப்பே வெளியாகாத நிலையில் இப்படத்தின் டிஜிட்டல் மற்றும் OTT உரிமை மிகப்பெரிய தொகைக்கு விற்கப்பட்டதாக தகவல் வந்துள்ளது.
முன்னணி OTT நிறுவனமான நெட்பிளிக்ஸ் AK62 திரைப்படத்தின் டிஜிட்டல் உரிமையை 75 கோடி கொடுத்து வாங்கியுள்ளதாம். இது கோலிவுட் வட்டாரத்தை ஆச்சர்யத்தில் ஆழ்த்தியுள்ளது. அதிகாரபூர்வமாக அறிவிப்பு வெளியாகாத ஒரு திரைப்படத்தின் OTT உரிமையை மிகப்பெரிய தொகையை கொடுத்து நெட்பிளிக்ஸ் வாங்கியுள்ளது ஆச்சர்யமாக பார்க்கப்படுகின்றது.
அஜித் நடிப்பில் வெளியான படங்களில் அதிக விலைக்கு விலைபோன படமாக AK62 உருவெடுத்துள்ளது. இது அஜித்தின் நட்சத்திர அந்தஸ்தை எடுத்துக்கூறும் விஷயமாக பார்க்கப்படுகின்றது. இந்நிலையில் AK62 திரைப்படம் ஆக்ஷன் கலந்த திரில்லர் படமாக உருவாக இருப்பதாக தகவல்கள் வருகின்றன.
மேலும் இப்படம் அஜித்தை செம ஸ்டைலிஷாக காட்டும் என்றும் ரசிகர்கள் முதல் கோலிவுட் வட்டாரங்களை சார்ந்தவர்கள் வரை அனைவராலும் எதிர்பார்க்கப்படுகின்றது. இதையடுத்து மே மாதம் இப்படத்தின் அதிகாரபூர்வ அறிவிப்பு வெளியாகும் என எதிர்பார்க்கப்படுகின்றது குறிப்பிடத்தக்கது.