தமிழ் சினிமாவில் துணை நடிகராக அறிமுகமாகி பின்னர் ஹீரோவாக தடம் பதித்தவர் விமல். விஜய்யின் கில்லி படத்தில் அன்கிரெடிட்டட் ரோலில் நடித்த விமல் தொடர்ந்து க்ரீடம், குருவி, பந்தயம், காஞ்சிவர களவானி, கலகலப்பு, எத்தன், வாகை சூடவா, கேடி பில்லா கில்லாடி ரங்கா, தேசிங்கு ராஜா, புலிவால், மஞ்சப்பை, களவானி 2, கன்னி ராசி உள்ளிட்ட பல படங்களில் நடித்துள்ளார்.
ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
இந்நிலையில நடிகர் விமல் மீது செக் மோசடி வழக்கு தொடரப்பட்டு அவருக்கு அபராதம் விதிக்கப்பட்டுள்ளது. அதாவது நடிகர் விமல் நடித்த திரைப்படம் மன்னர் வகையறா. இந்தப் படத்தை தயாரிக்க நடிகர் விமல், தயாரிப்பாளர் கோபி என்பவரிடமிருந்து 4.50 கோடி ரூபாய் கடனாக பெற்றதாக கூறப்படுகிறது. படம் வெளியான பிறகும் அந்தத் தொகையை விமல் வழங்கவில்லை.
Crazy Mohan wife: கிரேஸி மோகன் மனைவி மரணம்.. இன்னொரு அண்ணி என கமல் உருக்கம்!
பின்னர் கொடுக்க வேண்டிய பணத்திற்கு காசோலை வழங்கியுள்ளார் விமல். ஆனால் அந்த காசோலையை வங்கியில் செலுத்திய போது அவர் கணக்கில் பணம் இல்லை என்று பவுன்ஸ் ஆகியுள்ளது. இதையடுத்து செக் மோசடி வழக்கை நடிகர் விமல் மீது தயாரிப்பாளர் கோபி சென்னையில் உள்ள சிறு வழக்குகளை விசாரிக்கும் நீதிமன்றத்தில் தொடர்ந்தார்.
இந்த வழக்கு விசாரணைக்காக நடிகர் விமல் ஏற்கனவே கோர்ட்டில் ஆஜராகி இருந்தார். இந்த நிலையில் இந்த வழக்கின் சாட்சிகளை விசாரிக்க விமல் தரப்பில் முன்வரவில்லை. இதையடுத்து முதல் சாட்சியை குறுக்கு விசாரணை செய்வதை முடித்து வைத்து வழக்கு விசாரணையை நீதிபதி தொடங்கினார். இதன் பின்னர், முதல் சாட்சியை குறுக்கு விசாரணை செய்ய வேண்டும் என்று விமல் தரப்பில் மனு தாக்கல் செய்யப்பட்டது.
நயன்தாரா மகன்களின் பெயரில் உள்ள ரகசியம்!
இதற்கு கோபி தரப்பு வக்கீல் ஆர்.வெங்கடேஷ் எதிர்ப்பு தெரிவித்தார். இதற்கு எதிர்ப்பு தெரிவித்து விமல் தரப்பில் வாதிடப் பட்டது. இருதரப்பு வாதங்களையும் கேட்ட நீதிபதி, முதல் சாட்சியை குறுக்கு விசாரணை செய்ய வேண்டும் என்ற விமல் மனுவை ஏற்றுக் கொள்வதாகவும், அதே நேரம் வழக்கு இழுத்தடிக்க வேண்டும் என்று நோக்கத்தில் செயல்பட்ட நடிகர் விமலுக்கு 300 ரூபாள் அபராதம் விதிப்பதாகவும் நீதிபதி உத்தரவிட்டார். மேலும் வழக்கு விசாரணையை வரும் 25 ஆம் தேதிக்கு ஒத்தி வைத்தார்.
நடிகர் விமலுக்கு அபராதம் விதிக்கப்பட்ட சம்பவம் பெரும் பரபரப்பை ஏற்படுத்தியுள்ளது. நடிகர் விமல் தற்போது குலசாமி என்ற படத்தில் நடித்துள்ளார் . இந்தப் படம் ரிலீஸுக்கு தயாராக உள்ளது. மேலும் சண்டக்காரி, எங்க பாட்டன் சொத்து, மஞ்சள் குடை, லக்கி தெய்வ மச்சான் உள்ளிட்ட படங்களை கை வசம் வைத்துள்ளார் என்பது குறிப்பிடத்தக்கது.
Vijay: ‘விஜய் மிகப்பெரிய ஸ்டார்… அதுமட்டுமில்ல’.. புகழ்ந்து தள்ளிய பெங்காலி சூப்பர் ஸ்டார்!