ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
நடிகர் விஷால் நடிப்பில் உருவாகிவரும் படம் ‘மார்க் ஆண்டனி’. இந்த படத்தின் டீஸர் இன்று மாலை 6:30 மணிக்கு வெளியாக இருக்கிறது. இதை தொடர்ந்து ‘தளபதி’ விஜய்யை சந்தித்து ‘மார்க் ஆண்டனி’ திரைப்படத்தின் டீஸரை காண்பிக்க படக்குழுவினர் அனுமதி கேட்டு தொடர்பு கொண்டபோது உடனே அழைப்பு விடுத்தார்.
நான் Rajini Sir Style-ல தான் நடிக்கிறேன் – Sivakarthikeyan fantastic speech
இதை தொடர்ந்து நடைபெற்ற தளபதி விஜய், புரட்சி தளபதி விஷால் இருவரது சந்திப்பின்போது ‘மார்க் ஆண்டனி’ திரைப்படத்தின் டீஸரை கண்டு மகிழ்ந்து படக்குழுவினரை வெகுவாக பாராட்டினார் தளபதி விஜய். அதற்காக நன்றி தெரிவித்த நடிகர் விஷாலிடம் “நண்பனுக்காக இதை செய்ய மாட்டேனா” என்று விஜய் கூறியது படக்குழுவினரை நெகிழ்ச்சியில் ஆழ்த்தியது.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்த சந்திப்பின்போது தளபதி விஜய் அவர்களுக்கு மார்க் ஆண்டனி படக்குழுவினர் பூங்கொத்து வழங்கினார்கள். ஆனால் நடிகர் விஷால் வழக்கம்போல் பூங்கொத்தை தவிர்த்து, தளபதி விஜய் அவர்களின் பெயரில் அன்னை தெரசா முதியோர் இல்லத்தில் உணவு வழக்கியதற்கான ரசீதை அவரிடம் வழங்கினார்.
அதன் பிறகு தனது நீண்ட நாள் விருப்பமான திரைப்படம் இயக்கும் ஆசை ‘துப்பறிவாளன் 2’ மூலம் தொடங்கியுள்ளதாக நடிகர் விஜய்யிடம் கூறினார் விஷால். மேலும் தொடர்ந்து திரைப்படங்களை இயக்க உள்ளதாகவும் உங்களுக்கும் இரண்டு கதை தயார் செய்துள்ளேன் என நடிகர் விஜய்யிடம் கூறியபோது “நீ வா நண்பா.. நான் இருக்கிறேன்.. சேர்த்து பயணிப்போம்” என்று விஷாலிடம் கூறி மேலும் அவரை உற்சாகப்படுத்தினார் தளபதி விஜய்.
இந்த சந்திப்பின்போது ‘மார்க் ஆண்டனி’ திரைப்படத்தின் தயாரிப்பாளர் ‘மினி ஸ்டூடியோஸ்’ வினோத் குமார், இயக்குனர் ஆதிக் ரவிச்சந்திரன், ஒளிப்பதிவாளர் அபிநந்தன், நிர்வாக தயாரிப்பாளர் ஹரிகிருஷ்ணன் ஆகியோர் உடன் இருந்தனர்.
Vishal, Kamal Haasan:முதலில் கமல், இப்போ விஷால்: நூலிழையில் உயிர் தப்பிச்சிருக்காங்க
முன்னதாக மார்க் ஆண்டனி படப்பிடிப்பில் நடந்த விபத்தில் நூலிழையில் உயிர் தப்பினார் விஷால். ஆக்ஷன் காட்சியை படமாக்கியபோது தொழில்நுட்ப கோளாறு காரணமாக கனரக வாகனம் ஒன்று கட்டுப்பாட்டை இழந்து சுவரை உடைத்துக் கொண்டு வந்தது. அந்த வாகனம் வந்த வழியில் தான் விஷால் இருந்தார். நல்ல வேளை தப்பித்துக் கொண்டார்.
அந்த வீடியோவை ட்விட்டரில் வெளியிட்டார் விஷால். அதை பார்த்து ரசிகர்கள் பதறிவிட்டார்கள்.
விஷாலுக்கு விஜய் உதவி செய்வது ரசிகர்களை கவர்ந்துவிட்டது. விஜய் சொல்வதை பார்த்தால் நிச்சயமாக விஷால் இயக்கத்தில் நடிப்பார் போன்று. அப்படி என்றால் தளபதி 69 படத்தை இயக்கும் வாய்ப்பு விஷாலுக்கு கிடைக்குமா என்று தற்போதே கேள்வி எழுந்துவிட்டது.
விஜய் தற்போது லோகேஷ் கனகராஜ் இயக்கத்தில் லியோ படத்தில் நடித்து வருகிறார். படத்தை அக்டோபர் மாதம் 19ம் தேதி ரிலீஸ் செய்ய திட்டமிட்டுள்ளனர். இதையடுத்து அவர் நடிக்கும் தளபதி 68 படத்தை சூப்பர் குட் ஃபிலிம்ஸ் நிறுவனம் தயாரிப்பது உறுதியாகிவிட்டதாம்.
Thalapathy 68: தளபதி 68 தயாரிப்பாளர் சூப்பர் குட் ஃபிலிம்ஸ் தான், ஆனால் இயக்குநர் ‘அவர்’ இல்ல
ஆனால் அந்த படத்தை இயக்கப் போவது அட்லியோ, கோபிசந்த் மலினேனியோ இல்லை புது இயக்குநர் என்கிறார்கள். ஒரு வேளை அந்த புது இயக்குநர் விஷாலாக இருந்தால் எப்படி இருக்கும் என்கிறார்கள் ரசிகர்கள்.