ஒரு கையுடன் சாதனை படைத்த கிரிக்கெட் வீராங்கனையின் கதை: 18ம் தேதி வெளியாகிறது 'கூமர்'
தமிழ்நாட்டை சேர்ந்த இயக்குனர் பால்கி, ‛‛சீனிகம், பா, இங்கிலீஸ் விங்கிலீஸ், ஷமிதாப், சூப் : ரிவேன்ஜ் தி ஆர்டிஸ்ட்'' உள்ளிட்ட படங்களின் மூலம் புகழ்பெற்றார். தற்போது அவர் இயக்கியுள்ள படம் 'கூமர்'. இதில் அபிஷேக் பச்சன், சயாமி கவுர், சபனா ஆஸ்மி, அன்கத் பேடி உள்பட பலர் நடித்துள்ளனர். அமிதாப் பச்சன் சிறப்பு தோற்றத்தில் நடித்துள்ளார். படத்துக்கு அமித் திரிவேதி இசையமைத்துள்ளார்.
கிரிக்கெட்டில் சாதிக்க துடிக்கும் சயாமி கெர் விபத்தில் கையை இழக்கிறார். மீண்டும் தன்னை வலியிலிருந்து விடுவித்து ஒற்றை கையுடன் போராடி பெண்கள் கிரிக்கெட் டீமின் சிறந்த பவுலராக எப்படி பரிணமிக்கிறார் என்பதுதான் படத்தின் கதை. இதில் கிரிக்கெட் பயிற்சியாளராக அபிஷேக் பச்சன் நடித்திருக்கிறார். கிரிக்கெட் டீமின் உரிமையாளராக அமிதாப்பச்சன் நடித்துள்ளார். இந்த படம் வருகிற 18ம் தேதி தியேட்டர்களில் வெளியாகிறது.