ரஜினியின் நடிப்பில் நெல்சனின் இயக்கத்தில் உருவான ஜெயிலர் திரைப்படம் நாளை திரையில் வெளியாகவுள்ளது. சன் பிக்சர்ஸ் தயாரிப்பில் அனிருத்தின் இசையில் உருவான இப்படம் ரசிகர்கள் மத்தியில் மிகப்பெரிய எதிர்பார்ப்பில் இருக்கின்றது. மோகன்லால், ஷிவ்ராஜ்குமார், ஜாக்கி ஷாரூப் என இந்திய திரையுலகில் இருக்கும் முன்னணி நடிகர்கள் இப்படத்தில் நடித்துள்ளதால் ஜெயிலர் தற்போது ஒரு பான் இந்திய படமாக உருவெடுத்துள்ளது.
இதைத்தொடர்ந்து ஜெயிலர் படத்தில் இருந்து வெளியான பாடல்கள் அனைத்தும் பட்டிதொட்டி எங்கும் ஹிட்டடித்தது. இதன் காரணமாக ஜெயிலர் படத்தின் மீதான எதிர்பார்ப்பும் அதிகரித்தது. இதுஒருபக்கம் இருக்க இப்படத்தின் ட்ரைலர் கடந்த வாரம் வெளியாகி ரசிகர்களின் அமோகமான வரவேற்பை பெற்று மேலும் ஹைப்பை ஏற்றியது.
ரஜினியின் ஜெயிலர் திரைப்படம்
இவைகளால் ஜெயிலர் படத்தின் முன்பதிவும் அமோகமாக இருக்கின்றது. தமிழ்நாட்டில் மட்டுமல்லாமல் அயல்நாடுகளிலும் ஜெயிலர் படத்திற்கு முன்பதிவு சிறப்பாக இருக்கின்றது. எனவே ஜெயிலர் திரைப்படம் முதல் நாளில் மட்டும் பல கோடிகளை வசூலித்து சாதனை படைக்கும் என எதிர்பார்க்கப்படுகின்றது.
Nelson: ஜெயிலர் படத்திற்காக நெல்சன் வாங்கிய சம்பளம் எவ்வளவு தெரியுமா ?
முன்பதிவில் மூலமே பல கோடிகளை வசூலித்த ஜெயிலர் முதல் நாள் வசூலில் சாதனை படைத்து இந்திய திரையுலகையே மிரளவைக்கும் என ரஜினி ரசிகர்கள் எதிர்பார்த்து இருக்கின்றனர். மேலும் ஜெயிலர் திரைப்படம் ரசிகர்களின் எதிர்பார்ப்பை பூர்த்தி செய்யும் பட்சத்தில் இப்படம் பல சாதனைகளை முறியடிக்கும் என்றே தெரிகின்றது.
இதெல்லாம் ஒருபக்கம் இருக்க தற்போது வெளியான ஒரு தகவல் ரசிகர்களை மேலும் குஷிப்படுத்தியுள்ளது. அதாவது ஜெயிலர் படத்தின் இடைவெளியின் போது தனுஷின் கேப்டன் மில்லர் படத்தின் ட்ரைலர் திரையிடப்பட இருக்கின்றது.
கேப்டன் மில்லர் ட்ரைலர் இணைப்பு
ஏற்கனவே சில நாட்களுக்கு முன்பு தனுஷ் இது ஜெயிலர் வாரம் என ஒரு ட்வீட் ஒன்றை போட்டார். இந்த ட்வீட் செம வைரலான நிலையில் தற்போது கேப்டன் மில்லர் ட்ரைலர் ஜெயிலர் படத்துடன் இணைந்துள்ளதாக வந்த தகவல் இரு நடிகர்களின் ரசிகர்களையும் குஷியில் ஆழ்த்தியுள்ளது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் அருண் மாதீஸ்வரன் இயக்கத்தில் தனுஷ் முற்றிலும் மாறுபட்ட வித்யாசமான ரோலில் நடித்துள்ள திரைப்படம் தான் கேப்டன் மில்லர். ஒரு பான் இந்திய படமாக உருவாகியுள்ள இப்படத்தின் ட்ரைலர் தனுஷின் பிறந்தநாளை முன்னிட்டு வெளியிடப்பட்டது. இதைத்தொடர்ந்து இப்படம் டிசம்பர் மாதம் 15 ஆம் தேதி திரையில் வெளியாகும் என அறிவிக்கப்பட்டுள்ளது குறிப்பிடத்தக்கது.