ரஜினியின் ‘ஜெயிலர்’ படம் வெளியாகி பட்டையை கிளப்பி வருகிறது. கடந்த சில வாரங்களாகவே நிலவி வந்த ‘ஜெயிலர்’ பீவர் தற்போது உச்சக்கட்டத்தை ஏற்படுத்தியுள்ளது. படம் வெளியானதில் இருந்தே பாசிட்டிவ் விமர்சனங்கள் குவிந்து வருவதால் தியேட்டருக்கு ரசிகர்கள் படையெடுத்து கொண்டிருக்கின்றனர். இதனால் அடுத்த சில நாட்களுக்கு திரையரங்குகள் முழுவதும் ஹவுஸ்புல் ஆகியுள்ளது.
சிறுத்தை சிவா இயக்கத்தில் வெளியான ‘அண்ணாத்த’ படத்தில் எமோஷனல் காட்சிகள் ஓவர்டோஸ் ஆகி ரசிகர்கள் மத்தியில் நெகட்டிவ் விமர்சனங்களை குவித்தது. இதனால் சுதாரித்த ரஜினி தனது அடுத்த படமான ஜெயிலரில் முழுக்க முழுக்க ஆக்ஷனில் இறங்கி அடித்துள்ளார். மேலும் கிட்டத்தட்ட இரண்டு ஆண்டுகளுக்கு பிறகு வெளியாகும் ரஜினி படம் என்பதால் ரசிகர்கள் வெறித்தனமாக ‘ஜெயிலர்’ ரிலீசுக்காக காத்திருந்தனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் இன்று ‘ஜெயிலர்’ படம் வெளியாகி வேறலெவலில் பாசிட்டிவ் விமர்சனங்களை குவித்து வருகின்றது. பாட்ஷா படம் அளவிற்கு மரண மாஸாக இருப்பதாக ரசிகர்கள் கொண்டாடி வருகின்றனர். மேலும், தமிழ்நாட்டில் முதல் காட்சி 9 மணியில் இருந்து துவங்கிய நிலையில், அண்டை மாநிலங்கள் மற்றும் வெளிநாடுகளில் அதிகாலையில் இருந்தே ‘ஜெயிலர்’ திரையிடப்பட்டது.
இந்நிலையில் ரசிகர்கள் மட்டுமல்லாமல் திரையுலக பிரபலங்கள் மத்தியிலும் ‘ஜெயிலர்’ படம் பாராட்டுக்களை குவித்து வருகிறது. நடிகர் தனுஷ், கவின், இயக்குனர் கார்த்திக் சுப்புராஜ் உள்ளிட்ட பலர் காலையிலே ‘ஜெயிலர்’ FDFS காட்சியை ரசிகர்களுடன் பார்த்து ரசித்தனர்.
Jailer FDFS: ‘ஜெயிலர்’ FDFS-ல் அலப்பறையை கிளப்பிய அனிருத்: தெறிக்க விட்ட ரசிகர்கள்.!
இதனையடுத்து ரஜினியின் தீவிரமான ரசிகரான இயக்குனர் கார்த்திக் சுப்புராஜ் ‘ஜெயிலர்’ படம் குறித்து தனது ட்விட்டர் பக்கத்தில் பகிர்ந்துள்ள பதிவு இணையத்தில் வைரலாகி வருகிறது. அதில், கூஸ்பம்ஸ். பேச்சே வரல. தலைவர் ஒவ்வொரு பிரேமிலும் பயராக இருக்கிறார். நெல்சன் செம்மையான ரைட்டிங். நகைச்சுவை காட்சிகளும் சூப்பர். தெறி, மாஸான தலைவர் படத்திற்கு வாழ்த்துக்கள் என பதிவிட்டுள்ளார். சோஷியல் மீடியாவில் வைரலாகி வரும் அவரின் இந்த பதிவிற்கு லைக்குகள் குவிந்து வருகிறது.
‘ஜெயிலர்’ படத்தில் சிவராஜ்குமார், மோகன்லால், ஜாக்கி ஷெரப், சுனில் போன்ற பல மொழிகளை சார்ந்த நடிகர்கள் இருந்தாலும் அவர்களுக்கான காட்சிகள் குறைவு தான். பெரிதும் எதிர்பார்க்கப்பட்ட ரம்யா கிருஷ்ணன், தமன்னாவின் கதாபாத்திரங்களும் கெஸ்ட் ரோல் போலவே உள்ளது. இவர்களை தாண்டி வில்லனாக விநாயகன் மிரட்டலான நடிப்பை வழங்கியுள்ளார். குறிப்பாக அனிருத் ரவிச்சந்தர் ரியல் பேன் பாயாக ‘ஜெயிலர்’ படத்திற்கு மாஸாக இசையமைத்துள்ளது குறிப்பிடத்தக்கது.
Jailer Twitter Review: முதல் பாதி அருமை.. தலைவர் சம்பவம்: ‘ஜெயிலர்’ ட்விட்டர் விமர்சனம்.!