இந்தியாவின் 76-வது சுதந்திர தின விழா, இந்தியா மட்டுமல்லாது பல்வேறு நாடுகளிலும் இந்தியர்களால் நேற்று கொண்டாடப்பட்டது. அந்த வரிசையில், இந்திய சுதந்திர தினத்தன்று இங்கிலாந்தில் கேம்பிரிட்ஜ் பல்கலைக்கழக வளாகத்தில் ஏற்பாடு செய்யப்பட்டிருந்த நிகழ்ச்சியொன்றில் கலந்துகொண்ட அந்நாட்டு பிரதமர் ரிஷி சுனக், `பிரதமராக அல்லாமல், ஓர் இந்துவாக இங்கு நிற்கிறேன்’ என்று கூறியிருக்கிறார்.
முன்னதாக, கேம்பிரிட்ஜ் பல்கலைக்கழக வளாகத்தில் ஆன்மிக போதகர் மொராரி பாபுவின் (Morari Bapu), `ராம் கதா (Ram Katha)’ நிகழ்ச்சியொன்று நேற்று ஏற்பாடு செய்யப்பட்டிருந்தது. இதில், பிரதமர் ரிஷி சுனக்கும் கலந்துகொண்டார். அப்போது நிகழ்ச்சியில் பேசிய ரிஷி சுனக், “இந்திய சுதந்திர தினத்தன்று கேம்பிரிட்ஜ் பல்கலைக்கழகத்தில், மொராரி பாபுவின் ராம் கதா நிகழ்ச்சியில் இருப்பது உண்மையிலேயே பெருமையையும், மகிழ்ச்சியையும் தருகிறது. இன்று நான் ஒரு பிரதமராக அல்லாமல், ஓர் இந்துவாக இங்கு நிற்கிறேன்.
மொராரி பாபுவுக்குப் பின்னாலிருக்கும் தங்க ஹனுமான் படத்தைப் போல, என் மேஜையில் ஒரு தங்க விநாயகர் மகிழ்ச்சியுடன் அமர்ந்திருப்பதை நான் பெருமையாகக் கருதுகிறேன். என்னைப் பொறுத்தவரை, என்னுடைய நம்பிக்கை என்பது தனிப்பட்டது. என் வாழ்க்கையின் ஒவ்வொரு அம்சத்திலும் அது என்னை வழிநடத்துகிறது. பிரதமராக இருப்பது மிகப்பெரிய கௌரவம் என்றாலும் கூட, அது எளிதான வேலையல்ல.
கடினமான விஷயங்களை எதிர்கொள்ளவும், முடிவுகளை எடுக்கவும், என்னுடைய இந்த நம்பிக்கை எனக்கு மிகுந்த தைரியத்தையும், நம் நாட்டுக்கு என்னால் இயன்றதைச் செய்ய உறுதியையும் தருகிறது. இறுதியாக, மொராரி பாபு பேசும் ராமாயணம், பகவத் கீதை, ஹனுமான் சாலிசா ஆகியவற்றை நினைவுகூர்ந்துவிட்டு இங்கிருந்து புறப்படுகிறேன். என்னைப் பொறுத்தவரை, வாழ்க்கையின் சவால்களை தைரியத்துடன் எதிர்கொள்ளவும், பணிவோடு ஆட்சி செய்யவும், தன்னலமின்றி பணியாற்றவும் ராமர் எப்போதும் ஒரு உத்வேகமான நபராக இருப்பார். ஜெய் சியா ராம்” என்று உரையாற்றினார்.
Junior vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும் https://bit.ly/3OITqxs
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/3OITqxs