‘ஜெயிலர்’ படத்தினுடைய வெற்றி நாளுக்கு நாள் அதிகரித்து கொண்டே செல்கிறது. தமிழ்நாடு மட்டுமல்லாமல் இந்திய அளவிலும் மாஸ் காட்டி வருகிறார் ரஜினி. ‘ஜெயிலர்’ படத்தினுடைய வசூல் மழையால் திரையரங்கு உரிமையாளர்கள், விநியோகஸ்தர்கள் என அனைவரும் உச்சக்கட்ட மகிழ்ச்சியில் உள்ளனர். இதனிடையில் ‘ஜெயிலர்’ படத்துடைய வெற்றி விழாவும் சிறப்பாக நடந்து முடிந்துள்ளது.
‘ஜெயிலர்’ படத்திற்கான வரவேற்பு என்பது நாளுக்கு நாள் அதிகரித்து கொண்டே இருக்கிறது. கிட்டத்தட்ட ‘பேட்ட’ படத்திற்கு பிறகு ஒரு முழு நீள தலைவர் படமாக ‘ஜெயிலர்’ வெளியாகியுள்ளது என்பது தான் ரஜினி ரசிகர்களின் ஏகோபித்த கருத்தாக உள்ளது. வசூலிலும் இதுவரை இல்லாத அளவிற்கு பல சாதனைகளை படைத்து வருகிறது ‘ஜெயிலர்’.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
நெல்சன் திலீப்குமார் இயக்கத்தில் ரஜினி நடிக்கிறார் என்ற போதே தலைவர்கள் ரசிகர்கள் மத்தியில் கொஞ்சம் பயம் ஏற்பட்டது. காரணம் ‘பீஸ்ட்’ படத்திற்கு குவிந்த நெகட்டிவ் விமர்சனம். எக்கச்சக்கமாக இந்தப்படம் ட்ரோல் செய்யப்பட்டது. அதனாலே ‘ஜெயிலர்’ படம் எப்படி வர போகிறது என்ற பயத்தில் இருந்தனர் ரசிகர்கள். ஆனால் அதையெல்லாம் தவிடுபொடியாக்கி பாக்ஸ் ஆபிஸில் ஹிட்டடித்து வருகிறது ‘ஜெயிலர்’.
ரெக்கார்ட் மேக்கர் என்பதை நிரூபித்த தலைவர்: சன் பிக்சர்ஸ் வெளியிட்ட அதிரடி அறிவிப்பு.!
இதனிடையில் படத்தின் வெற்றி விழாவும் நடந்து முடிந்துள்ளது. இந்நிகழ்வில் இயக்குனர் நெல்சன் திலீப்குமார், வசந்த் ரவி, மிர்னா உள்ளிட்ட படக்குழுவினர் கலந்து கொண்டனர். இதில் பேசிய நடிகர் ரெடின் கிங்ஸ்லி மேடையையே கலகலப்பாக்கியுள்ளார். அப்படி என்ன பேசினார் என்றால், ஒரு பத்து தீபாவளி ஒன்னா வந்தால் எப்படி இருக்குமோ, அப்படித்தான் ஆகஸ்ட் 10 இருந்தது. என் தலைவன் இங்க இருக்குற நடிகர் எல்லாரையும் பற்றி சொல்லிட்டாப்ல. நான் என்ன சொல்றது.
இந்த ஒரு வாரமா காதுல இந்தப்பக்கம் 100 கோடி, அந்தப்பக்கம் 100 கோடி, அங்கயும் 100 கோடின்னு கேட்டுட்டே இருக்கு. இந்த நூறு கோடியை விட மாட்டீங்களா? ஒரு ஆயிரம் கோடி கலெக்ட் பண்ணிடும்ல. கலெக்ட் பண்ணி கொடுத்துடுவ என நெல்சனை பார்த்து கேட்டார் ரெடின் கிங்ஸ்லி. இதனை கேட்டு மேடையில் இருந்த நெல்சன் கோர்த்து விட்றாதீங்க என்பதை போல் கையெடுத்து கும்பிட்டார். இந்த வீடியோ தற்போது சோஷியல் மீடியாவில் வைரலாகி வருகிறது.
‘ஜெயிலர்’ படத்தில் ரஜினி மகனாக முதலில் நடிக்கவிருந்தவர் இவரா.?: மிஸ் பண்ணிட்டாரே.!
கடந்த ஆகஸ்ட் 10 ஆம் தேதி வெளியான ‘ஜெயிலர்’ படம் ஒரே வாரத்தில் ரூபாய். 375 கோடி வசூலித்துள்ளது. இதனை சன் பிக்சர்ஸ் நிறுவனம் அதிகார்ப்பூர்வமாக அறிவித்துள்ளது. அத்துடன் ஒரே வாரத்தில் அதிக வசூல் செய்துள்ள சாதனையையும் இந்தப்படம் படைத்துள்ளது. இதனை ‘சூப்பர் ஸ்டார் ரெக்கார்ட் மேக்கர்’ என்ற புதிய போஸ்டருடன் சன் பிக்சர்ஸ் நிறுவனம் அறிவித்துள்ளது குறிப்பிடத்தக்கது.