வெற்றிரஜினியின் நடிப்பில் நெல்சனின் இயக்கத்தில் உருவான ஜெயிலர் திரைப்படம் சில நாட்களுக்கு முன்பு திரையில் வெளியானது. மிகப்பெரிய எதிர்பார்ப்பிற்கு மத்தியில் வெளியான இப்படம் அந்த எதிர்பார்ப்பை பூர்த்தி செய்தது என்றுதான் சொல்லவேண்டும். என்னதான் ஒரு சில குறைகள் இப்படத்தில் இருப்பதாக சில விமர்சகர்கள் கூறினாலும் பெரும்பாலான ரசிகர்களை இப்படம் திருப்தி செய்துள்ளது. அதன் காரணமாகவே தற்போது இப்படம் வசூல் சாதனை செய்து மிகப்பெரிய வெற்றியை எதிர்நோக்கி சென்றுகொண்டிருக்கிறது. எந்திரன் படத்திற்கு பிறகு ரஜினிக்கு ஒரு பிளாக்பஸ்டர் வெற்றியை ஜெயிலர் பெற்றுத்தந்துள்ளது
வசூல் சாதனைஜெயிலர் திரைப்படம் முன்பதிவின் மூலமே பல கோடி வசூலித்தது. இதையடுத்து படம் வெளியாகி பாசிட்டிவான விமர்சனங்களை பெறவே ரசிகர்கள் திரையரங்கிற்கு படையெடுக்க துவங்கினார்கள். மேலும் இப்படத்தில் மாஸான காட்சிகள் நிறைய இருப்பதால் பெரும்பாலான ரசிகர்கள் இப்படத்தை பல முறை திரையில் பார்த்து வருகின்றனர். அதன் காரணமாகவே இப்படம் வசூலில் அடித்து நொறுக்கி வருகின்றது. மேலும் பெரிய படங்கள் எதுவும் வெளியாகாமல் இருப்பதால் ஜெயிலர் திரைப்படத்திற்கு அது மேலும் சாதகமாக அமைந்துள்ளது. தற்போது இப்படம் வெளியான ஒரு வாரத்தில் 375 கோடி வசூலித்து சாதனை படைத்துள்ளது
மகிழ்ச்சியில் தலைவர்ஜெயிலர் திரைப்படம் வெளியாவதற்கு சில நாட்களுக்கு முன்பு ரஜினி படத்தை பார்த்துள்ளார். பார்த்துவிட்டு தான் நினைத்தை விட பத்து மடங்கு படம் சிறப்பாக வந்துள்ளதாக நெல்சனை பாராட்டியுள்ளார். மேலும் படம் வெளியாவதற்கு முதல் நாள் ரஜினி இமயமலை சென்றுவிட்டார். ரஜினி இமயமலை சென்றாலே அப்படம் மிகப்பெரிய வெற்றியை பெரும் என ஒரு பேச்சி இருந்து வருகின்றது. அதைப்போல ஜெயிலர் திரைப்படமும் மிகப்பெரிய வெற்றியை பெற்று வருகின்றது. இந்நிலையில் ஜெயிலர் திரைப்படம் தன்னை மீண்டும் வெற்றிப்பாதைக்கு அழைத்து வந்துள்ளதால் ரஜினி உச்சகட்ட மகிழ்ச்சியில் இருக்கின்றார் என்பது குறிப்பிடத்தக்கது
தலைவரை மாற்றிய நெல்சன்இந்நிலையில் ஜெயிலர் படத்திற்கு பிறகு ரஜினிக்கு வெப் தொடர்கள் பார்க்கும் பழக்கம் அதிகரித்துள்ளதாம். அதற்கு காரணம் இயக்குனர் நெல்சன் தானாம். இப்படத்தில் ரஜினியின் மருமகளாக நடித்த மிர்னா ஒரு பேட்டியில், ரஜினி சார் பிரேக்கிங் பேட் தொடரை பற்றி பேசிக்கொண்டிருந்தார். அது மிகவும் சிறப்பாக இருப்பதாகவும் கூறினார் என மிர்னா தெரிவித்தார். இதைப்பார்த்த ரசிகர்கள், தலைவர் சீரிஸ் எல்லாம் பார்பரா ? ஒருவேளை இந்த பழக்கம் எல்லாம் நெல்சனால் தான் தலைவருக்கு வந்திருக்கும். அவர் பரிந்துரைத்த பிறகு தான் ரஜினி வெப் தொடர்களை பார்க்க துவங்கியுள்ளார் என கமன்ட் அடித்து வருகின்றனர் என்பது குறிப்பிடத்தக்கது