ரோஜா படத்தில் இருந்து கடந்த 30 ஆண்டுகளாக தன் இசையால் ரசிகர்களை ஈர்த்து வருகின்றார் ஏ.ஆர் ரஹ்மான். மணிரத்னம் இயக்கத்தில் வெளியான ரோஜா படத்தின் மூலம் அறிமுகப்படுத்தப்பட்டார் ஏ.ஆர் ரஹ்மான். முற்றிலும் வித்யாசமான இசையால் தன் முதல் படத்தின் மூலமே அனைவரது கவனத்தையும் ஈர்த்தார்.
அதன் பின் தமிழ் சினிமாவில் ஒரு புயலாக உருவாகி இன்று உலகம் முழுக்க அறிந்த புகழ்பெற்ற ஒரு இசையமைப்பாளராக வலம் வருகின்றார் ஏ.ஆர் ரஹ்மான். இடையில் சில காலம் குறைவான தமிழ் படங்களுக்கு இசையமைத்து வந்த ரஹ்மான் தற்போது பல தமிழ் படங்களுக்கு இசையமைத்து தமிழ் ரசிகர்களை குஷிப்படுத்தி வருகின்றார்.
ஜெயிலர் வசூலில் சாதனை படைக்க அவர்கள் தான் காரணமா ?வெளியான லேட்டஸ்ட் ரிப்போர்ட்..!
பொன்னியின் செல்வன், வந்து தணிந்தது காடு, கோப்ரா, மாமன்னன் என அடுத்தடுத்து படங்களுக்கு இசையமைத்து ஹிட்டடித்து வருகின்றார் ஏ.ஆர் ரஹ்மான். அடுத்ததாக ரஜினியின் லால் சலாம்
உள்ளிட்ட பல படங்களுக்கு ரஹ்மான் இசையமைத்து வருகின்றார். இந்நிலையில் கடந்த சில மாதங்களாக துருவ் விக்ரம் நடிப்பில் உருவாகும் ஒரு படத்திற்கு ஏ.ஆர் ரஹ்மான் இசையமைக்க இருப்பதாக தகவல்கள் வந்தன.
வதந்திக்கு முற்றுப்புள்ளி வைத்த ஏ.ஆர் ரஹ்மான்
டாடா என்ற வெற்றிப்படத்தை இயக்கிய கணேஷ் கே.பாபு அடுத்ததாக துருவ் விக்ரமை வைத்து ஒரு படத்தை இயக்கவுள்ளார். இப்படத்தை லைக்கா நிறுவனம் தயாரிக்கிறது. எனவே இப்படத்திற்கு ஏ.ஆர் ரஹ்மான் தான் இசையமைப்பாளர் என கடந்த சில மாதங்களாக பரவலாக பேசப்பட்டது. ரசிகர்களும் ஏ.ஆர் ரஹ்மான் தான் இப்படத்திற்கு இசையமைக்கவுள்ளார் என் நம்பியிருந்தனர்.
இதைத்தொடர்ந்து ட்விட்டரில் ஒரு ரசிகர் துருவ் விக்ரம் நடிப்பில் கணேஷ் கே பாபு இயக்கத்தில் லைக்காவின் தயாரிப்பில் உருவாகும் படத்திற்கு ஏ.ஆர் ரஹ்மான் இசையமைக்க இருப்பதாகவும், அப்படத்தின் அறிவிப்பு ஆகஸ்ட் 25 ஆம் தேதி வெளியாகும் என்றும் பதிவிட்டிருந்தார். இந்த பதிவை பார்த்த ஏ.ஆர் ரஹ்மான் இந்த தகவலை மறுத்துள்ளார்.
அவர் பதிவிட்டதாவது, இந்த செய்தியில் உண்மையில்லை, தயவுசெய்து வதந்திகளை பரப்பாதீர்கள். மேலும் துருவ் விக்ரமிற்கும் படக்குழுவிற்கும் எனது மனமார்ந்த வாழ்த்துக்கள் என ட்வீட் போட்டிருந்தார். இதையடுத்து இப்படத்திற்கு தான் இசையமைக்கவில்லை என ஏ.ஆர் ரஹ்மான் கூறி வதந்திகளுக்கு முற்றுப்புள்ளி வைத்துள்ளார்.
மேலும் ஒரு ரசிகரின் பதிவிற்கு ஏ.ஆர் ரஹ்மான் பதிலளித்துள்ளது பலராலும் ஆச்சர்யமாக பார்க்கப்படுகின்றது. அந்த பதிவின் கீழ் பல ரசிகர்கள், ஏ.ஆர் ரஹ்மானே உங்களின் பதிவிற்கு பதிலளித்துள்ளார். நீங்க ரொம்ப லக்கி என அந்த பதிவை போட்ட ரசிகரை வாழ்த்தி வருகின்றனர்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் ஏ.ஆர் ரஹ்மான் சமீபகாலமாக தொடர்ந்து தமிழ் படங்களுக்கு இசையமைத்து வருகின்றார். தற்போது ரஜினி சிறப்பு தோற்றத்தில் நடிக்கும் லால் சலாம் படத்திற்கு இசையமைத்துள்ள ரஹ்மானின் இசையில் தீபாவளி பண்டிகையை முன்னிட்டு அயலான் திரைப்படம் வெளியாகவுள்ளது என்பது குறிப்பிடத்தக்கது.