அஜித் குமார் நடிக்கவிருக்கும் விடாமுயற்சி படத்தை மகிழ் திருமேனி இயக்குவார், அனிருத் இசையமைப்பார் என லைகா நிறுவனம் அதிகாரப்பூர்வ அறிவிப்பு வெளியிட்டது. அதன் பிறகு படம் குறித்து எந்த அப்டேட்டும் இல்லை.
ஜெயிலர் இன்னும் பாக்கல, ஆனால்.. Vijay Devarkonda..
படப்பிடிப்பு கடந்த மே மாதமே துவங்குவதாக கூறப்பட்டது. ஆகஸ்ட் மாதமும் முடியப் போகிறது. ஆனால் இன்னும் படப்பிடிப்பு துவங்கவில்லை. இந்நிலையில் தான் விடாமுயற்சியை லைகா ப்ரொடக்ஷன்ஸ் கைவிட்டுவிட்டது என தகவல் வெளியானது.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
படம் கைவிடப்பட்டதால் தான் அஜித் குமார் பைக்கில் உலக டூர் சென்று கொண்டிருக்கிறார் என பேசப்பட்டது. இந்நிலையில் தான் படம் கைவிடப்படவில்லை என்பது தெரிய வந்திருக்கிறது.
அஜித்தின் விடாமுயற்சியை லைகா ப்ரொடக்ஷன்ஸ் தான் தயாரிக்கிறது. பைக் டூரில் இருக்கும் அஜித் இந்த வாரம் சென்னை திரும்பிவிடுவாராம். அவர் ஊர் திரும்பிய பிறகு படப்பிடிப்பு துவங்குமாம்.
படப்பிடிப்பை இந்தியாவில் அல்ல வெளிநாட்டில் தான் முதலில் நடத்தப் போகிறார்கள் என கூறப்படுகிறது. முன்னதாக செப்டம்பர் மாதம் படப்பிடிப்பு துவங்கும் என்றும், ஹைதராபாத்தில் இருக்கும் ராமோஜி ராவ் ஃபிலிம் சிட்டியில் தான் படப்பிடிப்பு நடக்கப் போகிறது என்றும் கூறப்பட்டது.
ஒரு சில காட்சிகளை தவிர மொத்த படமும் ஹைதராபாத்தில் உருவாகப் போகிறது என்றார்கள். இந்நிலையில் தான் படக்குழு வெளிநாட்டிற்கு கிளம்புவதாக தகவல் கிடைத்திருக்கிறது.
நிஜமாகவே இம்முறை படப்பிடிப்பு துவங்குகிறதா என அஜித் குமார் ரசிகர்கள் கேள்வி எழுப்பியுள்ளனர். விடாமுயற்சி படப்பிடிப்பு துவங்கிவிட்டது. அஜித் மற்றும் படக்குழு இந்த இடத்தில் இருக்கிறது என்று லைகா நிறுவனம் அறிவிப்பு வெளியிடும் வரை நம்ப மாட்டோம் என்கிறார்கள் அஜித் ரசிகர்கள்.
கமலின் முதல் சம்பளம் தான் விஜய், சமந்தாவின் முதல் சம்பளமும்: எவ்வளவுனு தெரியுமா?
தயவு செய்து ஏதாவது ஒரு அப்டேட் கொடுங்க லைகா என ரசிகர்கள் தொடர்ந்து கேட்டு வருகிறார்கள். இந்நிலையில் விடாமுயற்சி படத்தில் இரண்டு ஹீரோயின்கள் என்று கூறப்படுகிறது. த்ரிஷாவும், தமன்னாவும் ஹீரோயின்களாக நடிக்கிறார்களாம்.
#VidaaMuyarchi என்கிற ஹேஷ்டேகை ட்விட்டரில் தேசிய அளவில் தினமும் டிரெண்டாக விடுகிறார்கள் அஜித் ரசிகர்கள். ஓஹோ, ஒரு வழியாக அப்டேட் வந்துவிட்டது போன்று என நினைத்து பிற ரசிகர்கள் அந்த ஹேஷ்டேகை க்ளிக் செய்து பார்த்தால் அஜித் ரசிகர்களே அப்டேட் கேட்டு தான் அப்படி செய்வது தெரிய வருகிறது.
பாவம்யா, இந்த அஜித் குமார் ரசிகர்கள். ஒவ்வொரு படத்திற்கும் அப்டேட் கேட்டு கெஞ்சுகிறார்கள். தயாரிப்பாளர்கள், இயக்குநர்கள் மாறினாலும் அப்டேட் விஷயத்தில் மட்டும் கஞ்சத்தனம் செய்கிறார்கள். ஒரு அப்டேட்டை விரைவில் கொடுத்து அந்த அஜித் ரசிகர்களை சந்தோஷப்படச் செய்யுங்கள் லைகா என பிற நடிகர்களின் ரசிகர்கள் கேட்கும் அளவுக்கு ஆகிவிட்டது.
இந்த ஆண்டு அஜித் நடிப்பில் துணிவு மட்டும் தான் ரிலீஸாகியிருக்கிறது. விடாமுயற்சி படத்தை 2024ம் ஆண்டு கோடை விடுமுறை நேரத்தில் ரிலீஸ் செய்ய திட்டமிட்டிருக்கிறார்களாம். திட்டமிடுவது எல்லாம் சரி, சட்டுபுட்டுனு படப்பிடிப்பை துவங்குங்கள் என அஜித் ரசிகர்கள் தெரிவித்துள்ளனர்.