திருமணநாளை ஒன்றாக கொண்டாடிய பஹத் பாசில் – சாந்தனு பாக்யராஜ்
தென்னிந்திய சினிமாவில் நட்சத்திர வாரிசு நடிகர்களாக களம் இறங்கி தங்களது திறமையால் ரசிகர்களிடம் வரவேற்பை பெற்று தங்களுக்கென தனித்தனி இடத்தை தக்க வைத்துள்ளவர்கள் மலையாள நடிகர் பஹத் பாசிலும், நடிகர் சாந்தனு பாக்கியராஜும். பஹத் பாசில் நடிகை நஸ்ரியாவையும், சாந்தனு நடிகை மற்றும் டான்சரான கிகி விஜய்யையும் காதல் திருமணம் செய்து கொண்டனர்.
இந்த நிலையில் இயக்குனர் விஜய் தனது நட்பு வட்டாரத்துக்காக ஏற்பாடு செய்திருந்த பார்ட்டி ஒன்றில் இந்த நட்சத்திர ஜோடிகள் கலந்து கொண்டனர். இரண்டு ஜோடிகளுக்கும் திருமண நாள் ஒன்றே என்பதால் அந்த நிகழ்விலேயே பஹத்-நஸ்ரியா ஜோடி தங்களது ஒன்பதாவது திருமண நாளையும் சாந்தனு-கிகி விஜய் ஜோடி தங்களது எட்டாவது திருமண நாளையும் கொண்டாடி மகிழ்ந்தனர். இதுகுறித்த புகைப்படங்களை நடிகர் சாந்தனு தனது சோசியல் மீடியா பக்கத்தில் பகிர்ந்து கொண்டுள்ளார்.