ரஜினியின் நடிப்பில் நெல்சனின் இயக்கத்தில் உருவான ஜெயிலர் திரைப்படம் ஆகஸ்ட் 10 ஆம் தேதி திரையில் வெளியானது. இதையடுத்து ரசிகர்களின் பெறாதவரை பெற்று இப்படம் கடந்த இரு வாரங்களாக அரங்கம் நிறைந்த காட்சியாக ஓடிக்கொண்டிருக்கிறது. சமீபத்தில் தான் ஜெயிலர் திரைப்படம் வெளியாகி ஒரே வாரத்தில் 375 கோடி வசூலித்ததாக அதிகாரபூர்வமாக தயாரிப்பு நிறுவனம் அறிவித்தது. இதைத்தொடர்ந்து தற்போது ஜெயிலர் திரைப்படம் மொத்தமாக 525 கோடிக்கு மேல் வசூலித்துள்ளதாக அதிகாரபூர்வமாக அறிவித்துள்ளது சன் பிக்சர்ஸ். இதையடுத்து ரஜினி ரசிகர்கள் கொண்டாடி வருகின்றனர்
சமீபகாலமாக ரஜினியின் படங்கள் எதிர்பார்த்த வெற்றியை பெறாத நிலையில் ஜெயிலர் படத்தின் மூலம் மீண்டும் வெற்றிப்பாதைக்கு திரும்ப காத்துக்கொண்டிருந்தார் ரஜினி. அதன் காரணமாக இப்படத்தில் இடம்பெற்ற ஒவ்வொரு விஷயத்தையும் ரஜினி பார்த்து பார்த்த செய்து வந்தார்.
ரஜினி மட்டுமல்லால் நெல்சனுக்கும் ஜெயிலர் முக்கியமான படம் என்பதால் அவரும் வெறித்தனமாக உழைத்து வந்தார். இதையடுத்து அவர்களின் கடுமையான உழைப்பிற்கு தற்போது பலன் கிடைத்துள்ளது என்றுதான் சொல்லவேண்டும். ரசிகர்கள் திரையில் ஜெயிலர் படத்தை கொண்டாடி வருகின்றனர். நீண்ட நாட்களுக்கு பிறகு பழைய ரஜினியை பார்த்தது போல இருப்பதாக ரசிகர்கள் நெல்சனை பாராட்டி வருகின்றனர்.
ஜெய் பீம் படத்திற்கு விருது கிடைக்காததால் மனமுடைந்த முன்னணி நடிகர்..வைரலாகும் பதிவு..!
குறிப்பாக இப்படத்தில் மாஸான காட்சிகளும், நகைச்சுவை காட்சிகளும் இருப்பதால் படத்தை பல ரசிகர்கள் மீண்டும் மீண்டும் பார்த்து வருகின்றனர். இதன் காரணமாகவே இப்படத்தின் வசூல் பலமடங்கு அதிகரித்துக்கொண்டே வருகின்றது. அந்த வகையில் இப்படம் வெளியான ஒரே வாரத்திலேயே 375 கோடி வசூலித்து சாதனை படைத்தது. ஒரு தமிழ் படம் வெளியான ஒரே வாரத்தில் அதிக வசூலை பெறுவது இதுவே முதல்முறையாகும்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதைத்தொடர்ந்து ஜெயிலர் திரைப்படம் வெளியான இரு வாரங்களில் மொத்தமாக 525 கோடிக்கும் மேல் வசூலித்துள்ளது. இதனை படக்குழு அதிகாரபூர்வமாகவே அறிவித்துள்ளது. இந்நிலையில் ஜெயிலர் படத்தின் மூலம் வெற்றிப்பாதைக்கு மட்டும் திரும்பாமல் ரஜினி வசூலில் வரலாறு படைத்து வருகின்றார். இதனை ரஜினி ரசிகர்கள் கொண்டாடி வருகின்றனர் என்பது குறிப்பிடத்தக்கது.