பிக்பாஸ் வீட்டில் சிகரெட் பிடித்த ஷகீலா
தெலுங்கு பிக்பாஸ் சீசன் 7ல் தமிழ் நடிகைகளான கிரண் மற்றும் ஷகீலா ஆகியோர் கலந்து கொண்டுள்ளனர். இதில், சென்றவாரத்தில் கிரண் வெளியேற்றப்பட்டார். ஆனால், ஷகீலா மற்ற ஹவுஸ்மேட்டுகளுடன் செட்டாகி நம்பிக்கையுடன் விளையாடி வருகிறார். இந்நிலையில், பிக்பாஸ் வீட்டில் ஷகீலா சிகெரட் பிடித்த வீடியோ காட்சி பரபரப்பாக பேசப்பட்டு வருகிறது. சக ஹவுஸ்மேட்டான கிரண் எலிமினேட் ஆகிவிட்ட சோகத்தில் தான் அவர் சிகரெட் பிடித்தாராம். இதனையடுத்து ஷகீலாவின் இந்த செயலை பலரும் விமர்சித்து வருகின்றனர். யு-டியூப் சேனலில் ஷகீலா விஷ்ணுகாந்த், டிக்-டாக் சூர்யா என பலரை அழைத்து பேட்டி எடுக்கும் போது பல அட்வைஸ்களை கொடுத்தார். ஆனால், அவரே இப்போது குழந்தைகள் உள்ளிட்ட குடும்பங்கள் பார்க்கும் ஒரு நிகழ்ச்சியில் வெளிப்படையாக சிகரெட் அடிக்கலாமா? உபதேசம் ஊருக்கு மட்டும் தானா? என பலரும் கேள்வி எழுப்பி வருகின்றனர்.