Amazon Prime Day 2025: ஆன்லைன் ஷாப்பிங் உலகில் பரபரப்பை ஏற்படுத்தும் வகையில், அமேசான் இந்தியா தனது மிகவும் எதிர்பார்க்கப்பட்ட பிரைம் டே 2025 விற்பனையை அறிவித்துள்ளது. இந்த முறை சிறப்பு என்னவென்றால், இந்தியாவில் முதல் முறையாக இந்த விற்பனை மூன்று நாட்களுக்கு நடைபெறும். ஜூலை 12 ஆம் தேதி நள்ளிரவு முதல் ஜூலை 14 ஆம் தேதி இரவு 11:59 மணி வரை, இந்த மெகா நிகழ்வு அமேசான் பிரைம் உறுப்பினர்களுக்கு மட்டும் கிடைக்கும்.
இந்த நேரத்தில், பிரைம் உறுப்பினர்கள் பிரத்யேக சலுகைகள் மற்றும் பெரிய தள்ளுபடிகளைப் பெறுவது மட்டுமல்லாமல், புதிய தயாரிப்புகள் மற்றும் பொழுதுபோக்கு சாதனங்களிலும் சிறப்புச் சலுகைகளின் வெளியீடும் அவர்களுக்காகக் காத்திருக்கிறன.
ஆயிரக்கணக்கான பிராண்டுகள், மில்லியன் கணக்கான தயாரிப்புகள்
பிரைம் டே விற்பனையில், ஹார்லி டேவிட்சன், சாம்சங், இன்டெல், ஒன்பிளஸ், ஐக்யூஓஓ, ஹெச்பி, ஆசுஸ், போட், லெனோவா, மொகோபரா, அமெரிக்கன் டூரிஸ்டர், பூமா, அடிடாஸ், லிபாஸ், வான் ஹியூசன், ஆலன் சோலி மற்றும் போரோசில் போன்ற 400 க்கும் மேற்பட்ட இந்திய மற்றும் சர்வதேச பிராண்டுகளின் ஆயிரக்கணக்கான புதிய தயாரிப்புகளை வாங்க முதல் வாய்ப்பு கிடைக்கும்.
இது தவிர, லட்சக்கணக்கான தொடக்க நிறுவனங்கள், பெண் தொழில்முனைவோர், கைவினைஞர்கள் மற்றும் உள்ளூர் பிராண்டுகளின் 1600 க்கும் மேற்பட்ட புதிய தயாரிப்புகளும் இந்த விற்பனையில் ஒரு பகுதியாக இருக்கும். கேஜெட்கள், ஃபேஷன் மற்றும் லைஃப்ஸ்டைல் பொருட்கள் என அனைத்து வகை பொருட்களும் இந்த விற்பனையில் அற்புதமான சலுகைகளுடன் கிடைக்கும்.
வங்கி சலுகைகள் மற்றும் EMI வசதி
வாடிக்கையாளர்களுக்கு சிறப்பு வங்கி சலுகைகளை வழங்க அமேசான் ICICI மற்றும் SBI உடன் கூட்டு சேர்ந்துள்ளது. கிரெடிட் கார்டு, டெபிட் கார்டு மற்றும் EMI பரிவர்த்தனைகளில் 10 சதவீதம் வரை தள்ளுபடி கிடைக்கும். Amazon Pay ICICI கார்டுதாரர்களுக்கு 5 சதவீதம் கேஷ்பேக் மற்றும் கூடுதலாக 5 சதவீதம் உடனடி தள்ளுபடி பரிசும் உள்ளது.
இது மட்டுமல்லாமல், விமான டிக்கெட்டுகளில் 25 சதவீதம், ஹோட்டல் முன்பதிவுகளில் 50 சதவீதம் வரை, திரைப்பட டிக்கெட்டுகளில் ரூ.100 கேஷ்பேக் மற்றும் சர்வதேச விமானங்களில் ரூ.8,000 வரை சேமிக்கும் வாய்ப்பையும் வாடிக்கையாளர்கள் பெறுவார்கள். இந்த சலுகைகள் ஷாப்பிங்கை இன்னும் சுவாராசியமானதாக்கும்.
விரைவான டெலிவரி மற்றும் AI இன் புதிய அம்சங்கள்
இந்த விற்பனையில் பிரைம் உறுப்பினர்கள் 10 லட்சத்திற்கும் மேற்பட்ட தயாரிப்புகளுக்கு சேம்-டே டெலிவரி மற்றும் 40 லட்சத்திற்கும் மேற்பட்ட தயாரிப்புகளுக்கு அடுத்த நாள் டெலிவரி பெறுவார்கள். இந்த முறை அமேசான் தனது புதிய AI-ஷாப்பிங் உதவியாளர் ரூஃபஸை அறிமுகப்படுத்தியுள்ளது. இது தயாரிப்புகளை நிகழ்நேரத்தில் ஒப்பிட்டு, உங்கள் கேள்விகளுக்கு பதிலளிக்கும். மேலும் சிறப்பு பரிந்துரைகளையும் வழங்கும்.
இது தவிர, அலெக்சா மூலம், உங்கள் குரலைப் பயன்படுத்தி ஷாப்பிங் பட்டியல்களை உருவாக்கலாம், ஆர்டர்களைக் கண்காணிக்கலாம் அல்லது புதிய தயாரிப்புகளைக் கண்டறியலாம். இந்த தொழில்நுட்பம் ஷாப்பிங்கை எளிதாகவும் வேடிக்கையாகவும் மாற்றுவதாக இருக்கும்.
ப்ரைம் மெம்பர்ஷிப் பெறுவதால் கிடைக்கும் நன்மைகள் என்ன?
அமேசானின் பிரைம் டே விற்பனையின் மீதமுள்ள சலுகைகள் பற்றி வரும் வாரங்களில் வெளியிடப்படும். நீங்கள் இன்னும் அமேசான் பிரைம் மெம்பர்ஷிப்பை பெறவில்லை என்றால், அதைப் பெற இதுவே சரியான நேரம். இந்த உறுப்பினர் சேர்க்கை இந்த விற்பனையில் உங்களுக்கு சிறப்பு சலுகைகளை வழங்குவதோடு மட்டுமல்லாமல், OTT உள்ளடக்கம் முதல் விரைவான டெலிவரி வரை பல வசதிகளையும் வழங்கும். இந்த பிரைம் டே விற்பனையில் பங்கேற்க தயாராகுங்கள் வாடிக்கையாளர்களே!!