`வேட்டையன்’ திரைப்படத்திற்குப் பிறகு ரஜினிகாந்த் நடிப்பில் `கூலி’ திரைப்படம் வெளியாக இருக்கிறது.
லோகேஷ் கனகராஜ் இயக்கி இருக்கும் இந்தப் படத்தில் நாகர்ஜுனா, சத்யராஜ், உபேந்திரா, செளபின் ஷாஹிர், ஸ்ருதி ஹாசன் ஆகியோர் முக்கியக் கதாபாத்திரங்களில் நடித்திருக்கிறார்கள்.
அனிருத் இந்தப் படத்திற்கு இசையமைத்திருக்கிறார். ஆகஸ்ட் 14-ம் தேதி இத்திரைப்படம் வெளியாக இருக்கிறது.
இதனிடையே சமீபத்தில் இப்படத்தின் டீசர் வெளியாகி இருந்தது. அதில் இடம் பெற்றிருந்த ‘அலேலா பொலேமா’ என்கிற லைன் பலரையும் கவர்ந்திருந்தது. அதன் அர்த்தம் என்ன என்பதைப் பலரும் தேடி வருகின்றனர்.
இந்நிலையில் ஹைதராபாத்தில் நேற்று (ஆகஸ்ட் 11) நடைபெற்ற செய்தியாளர் சந்திப்பில் ‘அலேலா பொலேமா’ என்ற வார்த்தைக்கான அர்த்தம் என்ன என்று கேட்கப்பட்டது.
அதற்குப் பதிலளித்த அனிருத், “நான் டீசருக்காக வேலை பார்த்துக்கொண்டிருந்த போது, நான் கொஞ்சம் கிரேசியாக ஏதேதோ செய்து கொண்டிருந்தேன்.
ஸ்டுடியோவில் எதையாவது உளறிக்கொண்டு, பாடிக்கொண்டு இருப்பேன். அப்படித்தான் ‘அலேலா பொலேமா, அலேலா பொலேமா லே’ என்று பாடி இயக்குநர் லோகேஷிற்கு அனுப்பினேன்.
அவர் அதைக் கேட்டுவிட்டு, ‘என்ன இது? இதற்கு என்ன அர்த்தம்?’ என்று கேட்பார் என நினைத்தேன். ஆனால், அவரோ ‘டீசரில் எனக்குப் பிடித்ததே இதுதான்’ என்று கூறினார். அப்படிப்பட்ட வைப்பிலதான் நாங்கள் இருப்போம். அலேலா பொலேமா அப்படிப்பட்ட ஒரு ஜிப்ரிஸ்தான்.
இந்த வார்த்தைக்கான அர்த்தம் என்னவென்று தேடினேன். கிரேக்க மொழியில் ‘நாங்கள் சண்டைக்குத் தயார்’ என்று அர்த்தம் இருந்தது. ஆனால், இதைப் பாடும் போது இந்த அர்த்தம் எனக்குத் தெரியாது. சும்மா பாடியதுதான்” என்று கூறியிருக்கிறார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/JSk78H7siYK4aL2qO1RglR
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள…
உங்கள் வாட்ஸ் அப் மூலமே இணைந்திருங்கள் சினிமா விகடனுடன்…