தினகரன்

சென்னை: சென்னை பெரியார் திடலில் கி.வீரமணியை சந்தித்து முதலமைச்சர் மு.க.ஸ்டாலின் வாழ்த்து தெரிவித்தார். திராவிடர் கழக பொறுப்பேற்று 45-வது ஆண்டு தொடக்கத்தை ஒட்டி கி.வீரமணிக்கு முதலமைச்சர் நேரில் வாழ்த்து தெரிவித்தார்.  

செங்கல்பட்டு: செங்கல்பட்டில் தொலைந்து போன 176 செல்போன்களை மீட்டு அவற்றின் உரிமையாளர்களிடம் மாவட்ட எஸ்.பி. அரவிந்தன் IPS ஒப்படைத்தார். மொபைல் தொலைந்து போனால் உடனடியாக IMEI எண்ணுடன் அருகிலுள்ள காவல் நிலையத்தில் புகார் அளிக்கவும் எனவும் எஸ்.பி. அரவிந்தன் வேண்டுகோள் விடுத்திருக்கிறார்.

சென்னை: ரூ.8 கோடி மதிப்பீட்டில் டிஜிட்டல் விவசாயம் அறிமுகம் செய்யப்படும் என அமைச்சர் எம்.ஆர்.கே.பன்னீர்செல்வம் தெரிவித்திருக்கிறார். தமிழக சட்டப்பேரவையில் 2வது முறையாக வேளாண்துறைக்கென தனி பட்ஜெட் தாக்கல் செய்யப்பட்டது. இதனை வேளாண்துறை அமைச்சர் எம்.ஆர்.கே.பன்னீர்செல்வம் தாக்கல் செய்தார். அப்போது உரையாற்றிய அவர், வேளாண் மையங்களில் பணமில்லா பரிவர்த்தனைக்கு வித்திடும் என குறிப்பிட்டார்.

சென்னை: விவசாய துணைத் தொழிலான கால்நடை வளர்ப்பு திறனை மேம்படுத்த நடவடிக்கை எடுக்கப்படும் எனவும், ஒருங்கிணைந்த பசுந்தீவன இயக்கம் செலுத்தப்படும் எனவும் அமைச்சர் எம்.ஆர்.கே.பன்னீர்செல்வம் தெரிவித்தார். 

சென்னை: கரும்பு விவசாயிகளுக்கு சிறப்பு ஊக்கத்தொகையாக மெட்ரிக் டன்னுக்கு ₹195 வழங்கப்படும் எனவும், கரும்பு விலை ஒரு மெட்ரிக் டன்னுக்கு ₹2950 ஆகவும், கரும்பு சாகுபடிக்கு உதவியாக ₹10 கோடியில் உபகரணங்கள் வழங்கும் திட்டம் செயல்படுத்தப்படும் எனவும், மயிலாடுதுறை மாவட்டத்தில் அமைக்கப்பட்டுள்ள சர்க்கரை ஆலையை மீண்டும் இயக்க, விவசாயிகளின்  கோரிக்கையை பரிசீலித்து நடவடிக்கை எடுக்க குழு அமைக்கப்படும் எனவும் அமைச்சர் எம்.ஆர்.கே. பன்னீர்செல்வம் தெரிவித்தார்.

ஆக்லன்ட்: மகளிர் உலகக் கோப்பை கிரிக்கெட்டில் ஆஸ்திரேலிய அணிக்கு இந்தியா 278 ரன்கள் இலக்கு நிர்ணயித்தது. 50 ஓவர்களில் இந்திய மகளிர் அணி 7 விக்கெட் இழப்புக்கு 277 ரன்கள் எடுத்தது. இந்திய அணியில் அதிகபட்சமாக கேப்டன் மிதாலிராஜ் -68, யாஸ்திகா பாட்டியா -59 ரன் எடுத்தனர்.