கூகுள் குரோம் உலாவி (
Google Chrome Browser
) 8 ஆண்டுகளுக்குப் பிறகு முதல் முறையாக லோகோவை மாற்றியுள்ளது. 2014ஆம் ஆண்டுக்குப் பிறகு கூகுள் நிறுவனம் தனது குரோம் பிரவுசருக்கு புதிய லுக்கைக் கொடுத்துள்ளது. கூகுள் குரோம் வடிவமைப்பாளரான எல்வின் ஹு, தனது ட்விட்டர் பக்கத்தில் லோகோவின் புதிய தோற்றத்தின் காரணம் குறித்து பதிவிட்டுள்ளார்.
சுமார் எட்டு ஆண்டுகளுக்குப் பிறகு கூகுள் குரோம் பிரவுசரின் லோகோவில் மாற்றம் செய்யப்பட்டுள்ளது. இதன் பயனர்களுக்கு புதிய அப்டேட் மூலம் இந்த புதிய லோகோ தோன்றும். புதுமையான மாற்றங்களை உடனுக்குடன் பெற, கூகுள் குரோம் உலாவியை எப்போதும் அப்டேட்டில் வைத்திருங்கள் என அவர் தனது ட்விட்டர் பக்கத்தில் தெரிவித்திருந்தார்.
oppo watch free: AMOLED திரை, புதிய ஸ்டைல், பெரிய பேட்டரி – சூப்பர் ஸ்டைல் ஒப்போ ஸ்மார்ட்வாட்ச்
கூகுள் குரோம் புதிய லோகோ (Google Chrome logo change)
முந்தையை லோகோவை போலவே புதிய லோகோவில், சிவப்பு, மஞ்சள், பச்சை ஆகிய மூன்று வண்ணங்களும் தட்டையாகவும் எந்த நிழலும் இல்லாமல் இருப்பதை பார்க்க முடிகிறது. தற்போது, நடுவில் உள்ள நீல வட்டம் பெரிதாகவும் பிரகாசமாகவும் தெரிகிறது. 2008ஆம் ஆண்டு அறிமுகம் செய்யப்பட்ட கூகுள் குரோம் பிரவுசரின் லோகோ, இதோடு 3 முறை மாற்றப்பட்டுள்ளது. 2011இல் முதல் முறையாக பிரவுசரின் லோகோ மாற்றப்பட்டது. தொடர்ந்து 2014, 2022இல் புதிய லோகோ வடிவமைப்பு வெளியிடப்பட்டுள்ளது.
அனைத்து இயங்குதளங்களுக்கும் ஏற்றவாறு இந்த லோகோ வடிவமைக்கப்பட்டுள்ளதாக எல்வின் தனது ட்விட்டர் பக்கத்தின் தெரிவித்துள்ளார். கூகுள் குரோம் உலாவியானது விண்டோஸ், மேக் ஓஎஸ், ஆண்ட்ராய்டு, ஆப்பிள் ஐஓஎஸ் ஆகிய இயங்குதளங்களில் செயல்படுகிறது. முக்கியமாக ஆண்ட்ராய்டு, விண்டோஸ் இயங்குதளம் பயனபடுத்தும் நபர்கள், கூகுள் குரோம் பிரவுசரையே பெரும்பாலான பயனர்கள் பயன்படுத்துகின்றனர்.
JioBook Laptop: லேப்டாப் பிராண்டுகள் ஷாக்… சந்தையில் கால்பதிக்கும் ஜியோ!
ஒருபுறம் கூகுள் குரோம் புரவுசர் லோகோவில் மேற்கொள்ளப்பட்ட மாற்றங்கள் ட்ரெண்டாகி வரும் வேளையில், லோகோவில் மாற்றத்தை கண்டுபிடிப்பதற்கு டெலெஸ்கோப் தேவைப்படும் போல தெரிகிறது என சமூக வலைதளங்களில் நெட்டிசன்கள் கேலி செய்து வருகின்றனர்.
கூகுள் குரோம் பாதுகாப்பு (Google Chrome Security)
இந்தியத் தகவல் தொழில்நுட்ப அமைச்சகத்தின் ஒரு பகுதியான ‘இந்திய கணினி அவசர உதவிக் குழு (CERT-In)’
கூகுள் குரோம் பிரவுசர்
(Google Chrome Browser) பயனர்களுக்கு பலமுறை தீவிர எச்சரிக்கை விடுத்தது. அதாவது 97.0.4692.71க்கு முந்தைய பதிப்பைப் பயன்படுத்துபவர்களுக்கு இந்த எச்சரிக்கை எனத் தெரிவித்திருந்தது.
கணினியை இலக்காக வைத்து சைபர் அட்டாக் நடத்துவதற்கு சாதகமான பல சூழல்கள் கூகுள் குரோம் உலாவியில் கண்டறியப்பட்டுள்ளதாக CERT-In தெரிவித்தது. இதனைத் தொடர்ந்து பல மேம்படுத்தப்பட்ட பதிப்புகளை கூகுள் குரோம் வெளியிட்டு வருவது குறிப்பிடத்தக்கது.
கூகுள் குரோம் பயனர்களுக்கு தொடர்ந்து எச்சரிக்கை விடுக்கும் ஒன்றிய அரசு!