சன் பிக்சர்ஸ் தயாரிப்பில் சிவா இயக்கத்தில்
ரஜினிகாந்த்
நடிப்பில் உருவான படம் ‘அண்ணாத்த’. இந்தப்படத்தில் ரஜினிகாந்திற்கு ஜோடியாக நயன்தாரா நடித்திருந்தார். இவர்களுடன் குஷ்பு, மீனா, கீர்த்தி சுரேஷ், சூரி, சதீஷ், ஜகபதி பாபு உள்ளிட்ட பலர் நடித்திருந்தனர். கடந்த தீபாவளிக்கு வெளியான இந்தப்படம் ரசிகர்கள் மத்தியில் அமோக வரவேற்பினை பெற்றது.
பலவித நெகட்டிவ் விமர்சனங்களை தாண்டி ‘அண்ணாத்த’ படம் பாக்ஸ் ஆபிஸில் வசூல் சாதனையை படைத்தது. அதனை தொடர்ந்து அண்மையில் இயக்குனர் சிவா வீட்டிற்கே சர்ப்ரைஸ் விசிட் கொடுத்த ரஜினி, தங்க செயின் பரிசாக அளித்தார். அத்துடன் சிவாவுடன் 3 மணிநேரம் கலந்துரையாடிவிட்டு வீடு திரும்பினார்.
இந்நிலையில் ரஜினியின் அடுத்தப்படம் குறித்த தகவல் தற்போது இணையத்தில் பரபரப்பாக பேசப்பட்டு வருகிறது. அதன்படி ‘
தலைவர் 169
‘ படத்தை
நெல்சன் திலீப்குமார்
இயக்கவுள்ளதாகவும் அனிருத் இசையில் சன் பிக்சர்ஸ் தயாரிக்க உள்ளதாகவும் தகவல்கள் வெளியாகியுள்ளன. இதுகுறித்த அதிகாரப்பூர்வ அறிவிப்பு நாளை வெளியாக உள்ளதாக இணையத்தில் தீயாக செய்திகள் பரவி வருகின்றன.
தனுஷ் – ஐஸ்வர்யா விவாகரத்தில் அடுத்து நடக்க போவது என்ன..?: பிரபல நடிகர் பரபரப்பு தகவல்..!
கோலமாவு கோகிலா, டாக்டர் படங்களை தொடர்ந்து தற்போது
விஜய்
நடிப்பில் ‘
பீஸ்ட்
‘ படத்தை இயக்கி முடித்துள்ளார் நெல்சன். இந்த படத்தின் கடந்த சில தினங்களுக்கு முன்பு வெளியானது. இதுகுறித்து வெளியான வீடியோவில் நெல்சன், அனிருத் மற்றும் சிவகார்த்திகேயன் ‘பீஸ்ட்’ படத்தின் பர்ஸ்ட் சிங்கிள் ‘அரபிக்குத்து’ பாடல் குறித்து பேசும் காட்சிகள் இடம்பெற்றிருந்தன.
இந்நிலையில் இந்த ‘அரபிக்குத்து’ பாடலில் விஜய் இருப்பதை போன்ற இரண்டாம் புரோமோவும் ரெடியாக உள்ளதாம். இந்த வீடியோவையும் நாளைய தினம் வெளியிட சன் பிக்சர்ஸ் திட்டமிட்டுள்ளதாக தகவல்கள் வெளியாகியுள்ளது. இந்த டபுள் ட்ரீட் அறிவிப்பால் தலைவர் மற்றும் தளபதி ரசிகர்கள் கொண்டாட்டத்திற்கு தயாராகி வருகின்றனர்.
பீஸ்ட் படத்தின் அப்டேட்: Exclusive தகவல்!