ஹெச். வினோத் இயக்கத்தில்
அஜித்
நடித்திருக்கும்
வலிமை
படம் பிப்ரவரி 24ம் தேதி தியேட்டர்களில் ரிலீஸாகவிருக்கிறது. பெரிதும் எதிர்பார்க்கப்படும் வலிமை படத்தை மறைந்த நடிகை ஸ்ரீதேவியின் கணவர்
போனி கபூர்
தயாரித்திருக்கிறார்.
படம் குறித்து போனி கபூர் கூறியதாவது,
ஓடிடி மூலம் நிறைய பேரை படம் சென்றடையும். ஆனால் வலிமை போன்ற படம் பெரிய திரைக்காக எடுக்கப்பட்டது. நான் பெரிய திரைக்காக படம் தயாரிக்க விரும்புபவன்.
என் மனைவி ஸ்ரீதேவி தமிழ், தெலுங்கு படங்கள் மூலம் தன் கெரியரை துவங்கினார். அதனால் தென்னிந்திய படங்களை தயாரிக்க விரும்பினார். நான் தயாரித்த முதல் தென்னிந்திய படம் அஜித்தின் நேர்கொண்ட பார்வை. எங்கள் இருவருக்குமே அந்த படம் திருப்திகரமாக இருந்தது. அதன் பிறகு வலிமையில் சேர்ந்து வேலை செய்தோம்.
இதையடுத்து மூன்றாவது முறையாக சேர்ந்து படம் பண்ணவிருக்கிறோம். அஜித் மிகவும் தன்மையானவர், சின்சியரானவர். கையில் இருக்கும் படத்தின் மீது இந்த அளவுக்கு ஈடுபாடு காட்டும் ஹீரோவை பார்ப்பது மிகவும் அரிது.
வலிமை அனைத்து தரப்பு ரசிகர்களுக்கும் பிடிக்கும். இது தான் அஜித்தின் முதல் பான் இந்திய ரிலீஸ் என்றார்.
Dhansuh:தனுஷ், ஐஸ்வர்யா பற்றி அப்பா கஸ்தூரி ராஜா சொன்னது நிஜமா?