இந்தியாவில் சியோமி நிறுவனம் அடுதடுத்து புதிய தயாரிப்புகளை அறிமுகம் செய்து வருகிறது. இந்நிலையில், கடந்தாண்டு சீனாவில் அறிமுகம் செய்யப்பட்ட
Mi Pad 5
இந்தியாவில் வெளியாகும் என எதிர்பார்க்கப்பட்டது. இது தொடர்பான பல உறுதிபடுத்தப்படாத தகவல்களும் இணையத்தில் கசிந்து வந்தது.
தற்போது, புதிய டேப்லெட் வெளியீடு குறித்து
Xiaomi
India தனது ட்விட்டர் பக்கத்தில் டீஸ் செய்துள்ளது. அதன்படி, ஏப்ரல் 1 ஆம் தேதி இந்தியாவில் புதிய டேப்லெட் கணினியை சியோமி வெளியிடும் என எதிர்பார்க்கப்படுகிறது. இது
Xiaomi Pad 5
அல்லது மி பேட் 5 என்ற பெயருடன் வெளியாகலாம் என்று கருதப்படுகிறது.
சியோமியின் அடுத்த ஆட்டம் – Mi Mix Fold 2 குறித்து கசிந்த தகவல்கள்!
சியோமி பேட் 5 அம்சங்கள் (Xiaomi Pad 5 Specifications)
புதிய சியோமி டேப்லெட் 11″ இன்ச் WQHD+ 1600×2560 ரெசலியூஷன் LCD டிஸ்ப்ளே கொண்டிருக்கும். இந்த டிஸ்ப்ளே 120Hz ரெப்ரெஷ் ரேட் ஆதரவை பெறும். இதன் திரை அடர்த்தி 275ppi ஆக இருக்கும். DCI-P3, Dolby Vision ஆதரவையும் இந்த டிஸ்ப்ளே கொண்டிருக்கும் எனத் தெரியவந்துள்ளது.
Qualcomm Snapdragon 860
புராசஸிங் சிப்செட் கொண்டு இந்த டேப்லெட் இயக்கப்படும்.
Android
12 அடிப்படையிலான MIUI 13 ஸ்கின் இதில் நிறுவப்பட்டிருக்கும். ஸ்னாப்டிராகன் புராசஸர் உடன் வெளியாகும் முதல் பட்ஜெட் டேப்லெட் இதுவாக இருக்கும் என்று எதிர்பார்க்கப்படுகிறது.
கேமராவைப் பொருத்தவரை பின்புறம் 13MP மெகாபிக்சல் லென்ஸ் இதில் கொடுக்கப்பட்டிருக்கும். செல்பி, வீடியோ அழைப்புகளுக்காக 8MP மெகாபிக்சல் லென்ஸ் இதன் டிஸ்ப்ளே பொசலில் பொருத்தப்பட்டுள்ளது.
சியோமி பேட் 5 விலை (Xiaomi Pad 5 price in India)
மொத்தம் 4 ஸ்பீக்கர்கள் உடன் Dolby Atmos ஆதரவை சியோமி டேப்லெட் பெறுகிறது. ப்ளூடூத் 5.0, WiFi, USB டைப் சி போன்ற இணைப்பு ஆதரவுகளையும் இந்த டேப்லெட் கொண்டுள்ளது. ஜிபிஎஸ், கைரோ போன்ற சென்சார்களும் கொடுக்கப்பட்டுள்ளது.
விஐபி மொபைல் நம்பர் வேண்டுமா – அப்ப இத படிங்க முதல்ல!
பேட்டரி திறன் 8720mAh ஆக இருக்கும். இதனை ஊக்குவிக்க 33W பாஸ்ட் சார்ஜிங் ஆதரவு கொடுக்கப்படும். ரேம் மெமரியாக 6GB LPDDR4X RAM ஆதரவு வழங்கப்படும். மேலும், 128GB, 256GB UFS 3.1 ஸ்டோரேஜ் மெமரியும் கொடுக்கப்படுகிறது. அதிகமான வேலைகளை மேற்கொள்ள இதன் திறன் போதுமானதாக இருக்கிறது.
Pearl White, Cosmic Gray ஆகிய இரு நிறங்களில் இந்த ஸ்மார்ட் டேப்லெட் வெளியாக உள்ளது. இதன் விலையைப் பொருத்தவரை இந்தியாவில் 6GB+128GB வேரியண்ட் 20,999 ரூபாய்க்கு வெளியாகலாம் என எதிர்பார்க்கப்படுகிறது. ஏப்ரல் 1 ஆம் தேதி Xiaomi Pad 5 வெளியிடப்படும் எனத் தகவல்கள் தெரிவிக்கின்றன.
மேலதிக செய்திகள்:
உங்களுக்கு இது தெரிஞ்சிருக்க வாய்ப்பில்ல – வெளியான OnePlus Pad 5G தகவல்கள்!மின்னல் வேகத்தில் சார்ஜிங் – மோட்டோ வெளியிட்ட 125W சார்ஜர்; 194MP கேமரா!Snapdragon சிப்செட் உடன் வரும் மலிவு விலை Redmi ஸ்மார்ட்போன்!
அடுத்த செய்திLED டிவி விலை வெறும் ரூ.999 – பட்டன் போனை விட மலிவான டிவிக்கள்!