இலங்கை
பெரும் பொருளாதார நெருக்கடியில் சிக்கியுள்ளது. நிதி நிர்வாகம் சீர்குலைந்துள்ளது. பண வீக்கம் பல மடங்கு அதிகரித்துள்ளது. விலைவாசி கடுமையாக உயர்ந்துள்ளது. அத்தியாவசியப் பொருட்களுக்குப் பற்றாக்குறை ஏற்பட்டுள்ளது. மக்கள் பெரும் கொதிப்படைந்துள்ளனர். நாடு முழுவதும் போராட்டங்கள் வெடித்துள்ளன. பல இடங்களில் வன்முறைகளும் மூண்டுள்ளன.
இந்த நிலையில் முக்கியப் பொறுப்புகளில் உள்ளோர் அடுத்தடுத்து ராஜினாமா செய்ய ஆரம்பித்துள்ளனர். பிரதமர் மகிந்தா ராஜபக்சே தலைமையிலான அரசில் இடம் பெற்றிருந்த அத்தனை அமைச்சர்களும் ராஜினாமா செய்தனர். அவரது மகனும், அமைச்சருமான நமல் ராஜபக்சேவும் விலகினார். மகிந்தாவின் தம்பியும் நிதி அமைச்சருமான பசில் ராஜபக்சேவை, இன்னொரு அண்ணனும், அதிபருமான கோத்தபயா ராஜபக்சே டிஸ்மிஸ் செய்தார்.
எங்களைப் பார்க்க வந்ததால்.. இம்ரான் கானை தண்டிக்கிறது அமெரிக்கா.. ரஷ்யா
இலங்கை மத்திய வங்கியின் ஆளுநரும் ராஜினாமா செய்து விட்டார். இந்த நிலையில் தற்காலிகமாக 4 அமைச்சர்களை கோத்தபயா ராஜபக்சே நியமித்தார். அதில் ஒருவர்தான் அலி சப்ரி. இவர் நிதியமைச்சராக பொறுப்பேற்றுக் கொண்டார். ஆனால் தற்போது தனது பதவியை
அலி சப்ரி
ராஜினாமா செய்து விட்டார்.
இதுகுறித்து அவர் வெளியிட்டுள்ள அறிக்கையில், தற்போதையை நிலையை கருத்தில் கொண்டு நான் மிகுந்த ஆலோசனைக்குப் பிறகு, பரிசீலனைக்குப் பிறகு இந்த முடிவை எடுத்துள்ளேன். இந்த வரலாறு காணாத நெருக்கடியை சமாளிக்க தேவையான இடைக்கால ஏற்பாட்டை செய்யுமாறும் அதிபருக்கு நான் கோரிக்கை விடுக்கிறேன் என்று கூறியுள்ளார் அலி சப்ரி.
தனது ராஜினாமாவுக்கான காரணங்களை விவரித்து முழுமையான, விரிவான கடிதம் ஒன்றையும் அதிபர் கோத்தபயா ராஜபக்சேவுக்கு அனுப்பி வைத்துள்ளார் அலி சப்ரி. நிதியமைச்சராக பதவியேற்று 24 மணி நேரத்தில் அமைச்சர் அலி சப்ரி விலகியிருப்பது பெரும் அதிர்ச்சியை ஏற்படுத்தியுள்ளது. ஆனால் இலங்கையின் நிதி நிலைமை ரொம்ப மோசமாக இருப்பதால் அமைச்சராக யார் பதவியேற்றாலும் அவர்களால் அந்தப் பதவியில் செயல்பட முடியாத அளவுக்குத்தான் நிலையை விட்டு வைத்துள்ளார் முன்னாள் நிதியமைச்சர்
பசில் ராஜபக்சே
என்று குற்றம் சாட்டப்படுகிறது. அதனால்தான் அலி சப்ரி விலகி விட்டதாகவும் சொல்கிறார்கள்.
அடுத்த செய்திஎங்களைப் பார்க்க வந்ததால்.. இம்ரான் கானை தண்டிக்கிறது அமெரிக்கா.. ரஷ்யா