சிறுத்தை சிவா இயக்கத்தில்
ரஜினிகாந்த்
நடித்த அண்ணாத்த படம் சூப்பர் ஹிட்டானது. இதையடுத்து ரஜினியை அவர் இயக்குவார், இவர் இயக்குவார் என்று அவ்வப்போது ஏதாவது பேச்சு கிளம்பியது.
இந்நிலையில் தான்
தலைவர் 169
படத்தை
நெல்சன் திலீப்குமார்
இயக்க, அனிருத் இசையமைப்பார் என்று சன் பிக்சர்ஸ் நிறுவனம் அறிவிப்பு வெளியிட்டது.
விஜய்யை வைத்து நெல்சன் இயக்கியிருக்கும் பீஸ்ட் படம் ஏப்ரல் 13ம் தேதி ரிலீஸாகவிருக்கிறது. இதையடுத்து தலைவர் 169 படத்தின் வேலையை துவங்கவிருக்கிறாராம்.
ஆகஸ்ட் மாதம் படப்பிடிப்பை துவங்க முடிவு செய்திருக்கிறார்களாம். ப்ரீ ப்ரொடக்ஷன் பணிகளுக்கு கூடுதல் நேரம் தேவைப்படுவதால் படப்பிடிப்பை துவங்க தாமதமாகிறதாம்.
இதற்கிடையே வழக்கமான பரிசோதனைக்காக அமெரிக்காவுக்கு செல்கிறாராம் ரஜினி.
தலைவர் 169 படத்தில் ரஜினிக்கு ஜோடியாக நடிக்க ஐஸ்வர்யா ராய் பச்சனிடம் பேச்சுவார்த்தை நடத்தியிருப்பதாக கூறப்படுகிறது. ப்ரியங்கா அருள்மோகன் ரஜினியின் மகளாக நடிக்கிறாராம்.
முன்னதாக நயன்தாரா தான் ஹீரோயின் என்று பேச்சு கிளம்பியது. அய்யய்யோ நயன்தாரா மட்டும் வேண்டவே வேண்டாம் என்றார்கள் ரஜினி ரசிகர்கள். இந்நிலையில் தான் ஐஸ்வர்யா ராயின் பெயர் அடிபடுகிறது.
முன்னதாக ஷங்கர் இயக்கிய எந்திரன் படத்தில் ரஜினிக்கு ஜோடியாக நடித்திருந்தார் ஐஸ்வர்யா ராய்.
ஆகஸ்ட் மாதம் படப்பிடிப்பு துவங்குகிறது என்பது ஒரு குட் நியூஸ். நயன்தாரா இல்லை ஐஸ்வர்யா ராய் நடிக்கக்கூடும் என்பது ரஜினி ரசிகர்களுக்கான இரண்டாவது குட் நியூஸ் ஆகும்.
Beast:பீஸ்ட் கண்டிப்பா ஹிட்டு தான்: ‘தெய்வமே’ ப்ரொமோட் பண்ணுது