சட்டப்பேரவையில் மின்வெட்டு தொடர்பாக இபிஎஸ் கவன ஈர்ப்பு தீர்மானம் – அமைச்சர் பதில் – வெளிநடப்பு

சென்னை: தமிழ்நாடு முழுவதும் கடந்த 2 நாட்களாக ஏற்பட்ட மின்வெட்டு பொதுமக்களிடையே அதிர்ச்சியை ஏற்படுத்திய நிலையில், அது தொடர்பாக இன்று எதிர்க்கட்சி தலைவர் எடப்பாடி பழனிசாமி. தமிழக சட்டப்பேரவையில் கவன ஈர்ப்பு தீர்மானம் கொண்டுவந்தார். இதற்கு அமைச்சர்அளித்த விளக்கம் திருப்தி அளிக்கவில்லை என்று என்று கூறி அதிமுக அவையில் இருந்து வெளிநடப்பு செய்தது. அரசின் நிர்வாகத் திறமையின்மையே மின்வெட்டு பிரச்சினைக்கு காரணம் என எடப்பாடி பழனிசாமி குற்றம்சாட்டினார்.

தமிழக சட்டப்பேரவையில் இன்று சமீப நாட்களாக அடிக்கட்டு ஏற்பட்டு வரும் மின்வெட்டு அதிமுக சார்பில் எதிர்க்கட்சி தலைவரும் முன்னாள் முதல்வருமான எடப்பாடி பழனிச்சாமி  கவன ஈர்ப்பு தீர்மானம் கொண்டு வந்து பேசினார். அப்போது, கோடைகாலம் தொடங்கி உள்ளதால், தமிழ்நாட்டில் கோடைகாலத்தில் மின் தேவை அதிகரித்துள்ளது என்றும்,  நிலக்கரியை கையிருப்பில் வைத்திருக்க வேண்டும். தினமும் 17,100 மெகாவாட் மின்சாரம் தேவைப்படும் நிலையில், 13,000 மெகாவாட் மின்சாரம் உற்பத்தியாகிறது. வெளிமாநிலத்தில் இருந்து மின்சாரத்தை கொண்டுவர கடந்த ஆட்சியில் மின்பாதை அமைக்கப்பட்டது என்றும் தெரிவித்தார். மின்வெட்டு காரணமாக விவசாயிகள், சிறு மற்றும் குறு தொழில் நிறுவனத்தினர் அதிகம் பாதிக்கப்பட்டுள்ளனர் என்றும், ,இந்த அரசு முறையாக மின்சாரத்தை பெறவில்லை. மின்சாரம் இல்லாமல் எதுவும் செய்ய முடியாது என்று கூறியதுடன்,  சத்தீஸ்கரிலிருந்து தமிழ்நாடு வரை மின்பாதை அமைக்கப்பட்டுள்ளது  ஆனால், அதை இந்த அரசு முறையாக செயல்படுத்தவில்லை என்றம்,  மின்சாரம் இல்லாமல் எதுவும் செய்ய முடியாது என்று கூறியதுடன்,  தடையில்லா மின்சாரம் கொடுக்க என்ன நடவடிக்கை எடுத்துள்ளது இந்த அரசு? கேள்வி எழுப்பியுள்ளார்.

இதனைத் தொடர்ந்து, அமைச்சர் செந்தில்பாலாஜி பதில் அளித்து பேசினார். அப்போது, அப்போது, மத்திய தொகுப்பில் இருந்து மின்சாரம் கிடைக்காததால் தான் மின்தடை ஏற்பட்டது என்றும், குறைந்த விலையில் 3 ஆயிரம் மெகாவாட் மின்சாரம் கொள்முதல் செய்ய நடவடிக்கை எடுக்கப்பட்டு வருவதாகவும்,   தமிழகத்தில் நாள் ஒன்றுக்கு 72 ஆயிரம் டன் நிலக்கரி தேவைப்படுகிறது. ஆனால் மத்திய அரசு குறைந்த அளவே நிலக்கரி தருகிறது என்றும் இதனால்தான் தமிழகத்தில் மின்வெட்டு ஏற்ப்பட்டுள்ளது என்றும் கடந்த அதிமுக ஆட்சியிலும் 68 முறை மின்வெட்டு இருந்ததாக செந்தில் பாலாஜி கூறினார்.

ஆனால், மின்வெட்டு தொடர்பாக அமைச்சர் செந்தில்பாலாஜி அளித்த விளக்கத்தை ஏற்க மறுத்து சட்டப் பேரவையில் இருந்து அதிமுக சட்ட மன்ற உறுப்பினர்கள் வெளிநடப்பு செய்துள்ளனர். இதனைத் தொடர்ந்து, சட்டசபை வளாகத்தில் செய்தியாளர்களிடம் பேசிய ஈபிஎஸ்,  ”தமிழகத்தில் தற்போது தொடர் மின்வெட்டு ஏற்பட்டு, மக்கள் கடுமையாக பாதிக்கப்பட்டுள்ளனர். இதனை அரசின் கவனத்திற்கு நாங்கள் கொண்டு வந்தோம்.  தமிழகத்தில் 16,500 மெகா வாட்டிலிருந்து, 17,100 மெகா வாட் வரை மின்சாரம் தேவைப்படுகிறது. ஆனால் தமிழகத்தினுடைய மின் உற்பத்தி, 12,800 மெகாவாட்டிலிருந்து, 13,100 மெகாவாட்டாகத்தான் இருக்கிறது. இதற்குக் காரணம் தமிழ்நாடு மின்சார வாரியம், தமிழக அரசு முறையாக நிலக்கரியை கொள்முதல் செய்யாத காரணத்தினாலும், மத்திய தொகுப்பிலிருந்து நமக்குக் கிடைக்க வேண்டிய நிலக்கரியை பெறாத காரணத்தினாலும் அனல்மின் நிலையத்திற்கு தேவையான நிலக்கரி இல்லாத காரணத்தாலும் அனல்மின் நிலையங்கள் முழுமையாக செயல்படவில்லை.