லைவ் அப்டேட்ஸ்: அமெரிக்க ஏவுகணைகள் மூலம் ரஷிய நிலப்பரப்புகளை தாக்க மாட்டோம்- உக்ரைன் திட்டவட்டம்

3.6.2022

15:30: ரஷியாவால் ஆக்கிரமிக்கப்பட்ட பகுதிகளை மீட்பதற்காக உக்ரைன் படையினர் கடுமையாக சண்டையிட்டு வருகின்றனர். தற்போது ரஷிய படைகள் கிழக்கு பகுதியில் கவனம் செலுத்தி வரும் நிலையில், மற்ற பகுதிகளில் உக்ரைன் படைகள் சில பகுதிகளை மீண்டும் தங்கள் கட்டுப்பாட்டிற்குள் கொண்டு வந்துள்ளனர். 
நாட்டின் தெற்கு பகுதியில் உள்ள 20 சிறிய நகரங்கள் மற்றும் கிராமங்களை உக்ரைன் படைகள் மீண்டும் தங்கள் கட்டுப்பாட்டிற்குள் கொண்டு வந்திருப்பதாக உக்ரைன் அதிகாரி ஒருவர் தெரிவித்துள்ளார்.
15:00: உக்ரைன் மீதான ரஷியாவின் படையெடுப்பு தொடங்கி 100 நாளை எட்டிய நிலையில், இந்த போரில் யாரும் வெற்றி பெற மாட்டார்கள் என ஐ.நா. சபை தெரிவித்துள்ளது. இந்த 100 நாட்களில் உயிர்கள், வீடுகள், வேலைகள் மற்றும் வாழ்வாதாரத்தை இழந்திருப்பதாக உக்ரைனுக்கான ஐ.நா. ஒருங்கிணைப்பாளர் அமின் அவாட் தெரிவித்தார்.
14.43: ரஷிய போரினால் பாதுக்கப்பட்டுள்ள உக்ரைனுக்கு அமெரிக்கா, ஜூன் 1ம் தேதி நீண்ட தூரம் சென்று தாக்கும் அதிநவீன ஏவுகணைகளை வழங்கியது. இந்த ஏவுகணைகளை கொண்டு ரஷிய நிலப்பரப்புகள் மீது உக்ரைன் தாக்குதல் நடத்தும் என கூறப்பட்டு வந்த நிலையில், ‘அமெரிக்க ஏவுகணைகளை வைத்து ரஷிய நிலப்பரப்புகளை தாக்கும் திட்டம் இல்லை. நாங்கள் பாதுகாப்பிற்காக போர் செய்கிறோம். அடுத்த நாட்டை தாக்கும் எண்ணம் இல்லை’ என உக்ரைன் கூறியுள்ளது.

10.37: ரஷியா-உக்ரைன் போர் 100வது நாளை எட்டியுள்ள நிலையில், இரு நாடுகளில் இருந்தும் உற்பத்தி செய்யப்பட்ட உணவு தானியங்கள் ஏற்றுமதி செய்யப்படாமல் இருக்கிறது. இதனால் உலக அளவில் உணவு பற்றாக்குறை ஏற்பட்ட வாய்ப்பிருப்பதாக ஐநா எச்சரித்து வருகிறது. இந்நிலையில் ஐநா மனிதாபிமான செயல்பாடுகள் பிரிவின் தலைவர் மார்டின் கிரிஃபித், ரஷ்ய அதிகாரிகளை சந்தித்து உணவு தானியங்களை ஏற்றுமதி செய்வது தொடர்பாக ஆலோசனை நடத்தவுள்ளார். 
00.45: உக்ரைன் அதிபர் ஜெலன்ஸ்கி காணொல் மூலம் நாட்டுமக்களிடம் பேசினார். அப்போது அவர் கூறுகையில், ரஷிய ராணுவத்திற்கு எதிராக நம்மை காத்துக் கொள்ள வேண்டும். ரஷிய ராணுவத்தினர் 20 சதவீத நிலப்பரப்பை ஆக்கிரமித்துள்ளனர். உக்ரைனின் கிழக்கு டான்பாஸ் பகுதியில் ரஷ்யப் படைகள் தங்கள் பிடியை இறுக்கி வருகின்றன  என குறிப்பிட்டார்.

Leave a Comment

This site uses Akismet to reduce spam. Learn how your comment data is processed.