சம்பாவத் இடைத்தேர்தலில் வெற்றி பெற்ற உத்தரகண்ட் மாநில முதலமைச்சர் புஷ்கர் சிங் தாமிக்கு, பிரதமர் நரேந்திர மோடி வாழ்த்து தெரிவித்து உள்ளார்.
கடந்த பிப்ரவரி மாதம் நடைபெற்ற உத்தரகண்ட் மாநில சட்டப்பேரவைத் தேர்தலில், ஆளும் பாஜக வெற்றி பெற்று மீண்டும் ஆட்சியை தக்க வைத்துள்ளது. எனினும், கட்டிமா தொகுதியில் போட்டியிட்ட முதலமைச்சர் புஷ்கர் சிங் தாமி தோல்வி அடைந்தார். இருப்பினும், தேர்தலில் பாஜகவை வெற்றிப் பாதைக்கு அழைத்துச் சென்றதற்காக, அவரை அங்கீகரிக்கும் வகையில், மீண்டும் முதலமைச்சர் பதவியை வழங்கியது பாஜக மேலிடம்.
முதலமைச்சராக புஷ்கர் சிங் தாமி தொடர வேண்டுமானால், அடுத்த 6 மாதங்களுக்குள் ஏதாவது ஒரு சட்டமன்ற தொகுதியில் போட்டியிட்டு எம்எல்ஏ ஆக வேண்டும். இதனால், அவர் மீண்டும் தேர்தலில் போட்டியிடும் வகையில் சம்பாவத் தொகுதியில் வெற்றி பெற்றிருந்த கைலாஷ் சந்திர கெஹ்டோரி தனது எம்எல்ஏ பதவியை ராஜினாமா செய்தார்.
இதையடுத்து அந்த தொகுதியில் நடைபெற்ற இடைத்தேர்தலில் புஷ்கர்சிங் தாமி போட்டியிட்டார். காங்கிரஸ் கட்சி சாா்பில் நிர்மலா கஹ்டோரி, சமாஜ்வாதி கட்சி சார்பில் மனோஜ் குமார் பட் ஆகியோர் போட்டியிட்டனர். இடைத்தோ்தலின் வாக்கு எண்ணிக்கை இன்று நடைபெற்றது. வாக்கு எண்ணிக்கையின் தொடக்கம் முதலே அதிக வாக்குகள் வித்தியாசத்தில் புஷ்க ர்சிங் தாமி முன்னிலை பெற்றார்.
மொத்தம் 13 சுற்றுகளாக வாக்குகள் எண்ணப்பட்டது. வாக்கு எண்ணிக்கை முடிவில் சுமாா் 55,000 வாக்குகள் வித்தியாசத்தில் முதலமைச்சர் புஷ்கர் சிங் தாமி வெற்றி பெற்றாா். இதன் மூலம் அவா் தனது பதவியை தக்க வைத்து கொண்டுள்ளார். புஷ்கா் சிங் தாமி 57,268 வாக்குகளும், கஹ்டோரி 3,147 வாக்குகளும் பெற்றிருந்தனர்.
இந்நிலையில், இடைத்தேர்தலில் வெற்றி பெற்ற உத்தரகண்ட் மாநில முதலமைச்சர்புஷ்கர் சிங் தாமிக்கு பிரதமர் மோடி வாழ்த்து தொிவித்து உள்ளார். இது குறித்து ட்விட்டாில் அவர் வெளியிட்டுள்ள பதிவில், சம்பாவத் இடைத்தோ்தலில் சாதனை வெற்றி பெற்ற உத்தரகண்டின் ஆற்றல்மிக்க முதலமைச்சருக்கு வாழ்த்துகள். உத்தரகண்ட் மாநிலத்தின் முன்னேற்றத்திற்கு அவர் இன்னும் கடினமாக உழைப்பார் என்று நான் நம்புகிறேன். பாஜக மீது நம்பிக்கை வைத்ததற்காக சம்பாவத் மக்களுக்கு நன்றி தெரிவிப்பதோடு, நமது கட்சியினரின் கடின உழைப்பைப் பாராட்டுகிறேன்’ என தெரிவித்துள்ளார்.