பராமரிப்பு பணிகள் காரணமாக திருப்பதி – பாண்டிச்சேரி இடையே இயக்கப்படும் ரயில் சேவையில் மாற்றம் செய்யப்படுவதாக தெற்கு ரயில்வே தெரிவித்துள்ளது.
இதுகுறித்து தெற்கு ரயில்வே வெளியிட்டுள்ள செய்திக்குறிப்பில், ‘திருச்சி ரயில் நிலையம் – விழுப்புரம் ரயில் நிலையம் இடையே நடைபெற்று வரும் பராமரிப்பு பணிகள் காரணமாக கீழ்கண்ட ரயில் சேவைகளில் மாற்றம் செய்யப்பட்டுள்ளது.
திருப்பதி – பாண்டிச்சேரி(எண்: 16111) இடையே அதிகாலை 4.10 மணிக்கு இயக்கப்படும் மின்சார ரயில் இன்று (செவ்வாய்க்கிழமை) மற்றும் வருகிற 19, 20, 21-ம் தேதிகளில் விக்கிரவாண்டி மற்றும் புதுச்சேரி இடையே பகுதியாக ரத்து செய்யப்படுகிறது. இந்த ரயில் விக்கிரவாண்டி வரை மட்டுமே இயக்கப்படும்.
புதுச்சேரி – திருப்பதி(16112) இடையே மதியம் 2.55 மணிக்கு இயக்கப்படும் மின்சார ரயில் இன்று (செவ்வாய்க்கிழமை) மற்றும் வருகிற 19, 20, 21-ம் தேதிகளில் புதுச்சேரி மற்றும் விக்கிரவாண்டி இடையே பகுதியாக ரத்து செய்யப்படுகிறது. இந்த ரயில் புதுச்சேரி வரை மட்டுமே இயக்கப்படும்.
மேல்மருவத்தூர் – விழுப்புரம்(06725) இடையே பகல் 11.30 மணிக்கு இயக்கப்படும் மின்சார ரயில் இன்று (செவ்வாய்க்கிழமை) மற்றும் வருகிற 19, 20, 21-ம் தேதிகளில் விக்கிரவாண்டி மற்றும் விழுப்புரம் இடையே பகுதியாக ரத்து செய்யப்படுகிறது. இந்த ரயில் விக்கிரவாண்டி வரை மட்டுமே இயக்கப்படும்.
விழுப்புரம் – மேல்மருவத்தூர்(06726) இடையே மதியம் 1.35 மணிக்கு இயக்கப்படும் மின்சார ரயில் இன்று (செவ்வாய்க்கிழமை) மற்றும் வருகிற 19, 20, 21-ம் தேதிகளில் விழுப்புரம் மற்றும் விக்கிரவாண்டி இடையே பகுதியாக ரத்து செய்யப்படுகிறது. இந்த ரயில் விழுப்புரம் வரை மட்டுமே இயக்கப்படும்.
மயிலாடுதுறை – விழுப்புரம்(06690) இடையே காலை 6 மணிக்கு இயக்கப்படும் மின்சார ரயில் இன்று (செவ்வாய்க்கிழமை) மற்றும் வருகிற 20, 21-ம் தேதிகளில் கடலூர் மற்றும் விழுப்புரம் இடையே பகுதியாக ரத்து செய்யப்படுகிறது. இந்த ரயில் கடலூர் வரை மட்டுமே இயக்கப்படும்.
விழுப்புரம் – மயிலாடுதுறை(06691) இடையே மதியம் 2.25 மணிக்கு இயக்கப்படும் மின்சார ரயில் இன்று (செவ்வாய்க்கிழமை) மற்றும் வருகிற 19, 20, 21-ம் தேதிகளில் கடலூர் மற்றும் விழுப்புரம் இடையே பகுதியாக ரத்து செய்யப்படுகிறது. இந்த ரயில் கடலூரில் இருந்து மதியம் 3.30 மணிக்கு இயக்கப்படும்’ என்று அதில் கூறப்பட்டுள்ளது