யோகி பாபுவின் பூமர் அங்கிள் டிரைலரை வெளியிட்ட மிஷ்கின்
யோகி பாபு, ஓவியா, ரோபோ சங்கர், சோனா உள்பட பலரது நடிப்பில் உருவாகி உள்ள படம் பூமர் அங்கிள். ஹாரர் காமெடி கதையில் உருவாகியுள்ள இந்த படத்தை கார்த்திக் தில்லை என்பவர் இயக்கி இருக்கிறார். இந்த படத்தின் டிரைலரை இயக்குனர் மிஷ்கின் வெளியிட்டார். அதில் யோகி பாபுவுடன் ஓவியா கவர்ச்சிகரமான ஒரு தோற்றத்தில் நடித்திருக்கும் காட்சி இடம் பெற்றுள்ளது. குறிப்பாக ஓவியா கவர்ச்சிகரமான ஆவி வேடத்தில் நடித்துள்ளார்.
இந்தப் படத்திற்கு முதலில் காண்ட்ராக்டர் நேசமணி என்றுதான் டைட்டில் வைத்திருந்தார்கள். ஆனால் வடிவேலு அந்த டைட்டில் தனக்கு வேண்டும் என்று கேட்டுக் கொண்டதை எடுத்து பூமர் அங்கிள் என்று மாற்றினர். அதுமட்டுமின்றி இந்த படத்தின் கேரக்டர்களுக்கும் வொண்டர் வுமன், ஜோக்கர், ஹல்க் என ஹாலிவுட் படங்களில் இடம்பெறும் கேரக்டர்களின் பெயர்களை வைத்துள்ளார்கள். இந்த வீடியோ தற்போது சோசியல் மீடியாவில் வைரலாகி வருகிறது. இதையடுத்து யோகிபாபு கதையின் நாயகனாக நடித்துள்ள தாதா என்ற படத்தின் டீசரும் இன்று வெளியாகிறது. இப்படத்தை டிசம்பர் 9ஆம் தேதி வெளியிடுவதாக அறிவித்துள்ளார்கள்.