காஷ்மீர் பைல்ஸ் விமர்சனம் : உண்மைக்கு முன் பொய் தாக்குப் பிடிக்காது – அனுபம் கேர் காட்டம்
விவேக் அக்னிகோத்ரி இயக்கத்தில் அனுபம் கேர் நடித்து வெளியான படம் ‛தி காஷ்மீர் பைல்ஸ்'. இந்த படத்திற்கு சில சர்ச்சைகள் எழுந்தாலும் வரவேற்பை பெற்று ரூ.100 கோடி வசூலை அள்ளியது. இந்த படம் கோவாவில் நடந்த சர்வதேச திரைப்பட விழாவில் திரையிடப்பட்டது.
இதற்கு ‛‛வெறுப்புணர்வை தோண்டும் மோசமான படம் இது'' என இந்த விழாவின் தேர்வுக் குழு தலைவரான இஸ்ரேல் இயக்குனர் நடாவ் லாபிட் கூறியிருந்தார். இவரின் கருத்திற்கு கடும் எதிர்ப்பு கிளம்பியது. பலரும் அவருக்கு கண்டம் தெரிவித்துள்ளனர்.
இந்நிலையில் இதற்கு பதிலளித்துள்ள அனுபம் கேர், ‛‛பொய் எவ்வளவு பிரம்மாண்டமாக இருந்தாலும் அது வீழ்ந்துவிடும். உண்மையின் முன்னால் அது தாக்குப் பிடிக்காது” என்றார்.
அதேப்போன்று இயக்குனர் அக்னி கோத்ரி கூறுகையில், ‛‛உண்மை எப்போதும் பேராபத்தானது. அது சிலரை பொய் பேசவைத்துவிடும்'' என்றார்.