உலகின் நம்பர் ஒன் உளவுத்துறையாக இஸ்ரேலின் மொசாட் உளவுத்துறை உள்ளது. இஸ்ரேல் மற்றும் ஈரான் இடையே கடந்த சில ஆண்டுகளாக நிழல் யுத்தம் நடந்து வருகிறது. ஈரானில் மக்கள் கிளர்ச்சி மற்றும் உள்நாட்டு போருக்கு இஸ்ரேல், அமெரிக்கா மற்றும் ஐரோப்பிய கூட்டணிதான் காரணம் என்று ஈரான் குற்றம் சாட்டி வருகிறது. 1979ம் ஆண்டு முதல் ஈரானில் நடைபெற்று வரும் அரசுக்கு எதிரான போராட்டமானது, இஸ்ரேல் மற்றும் அமெரிக்காவின் தூண்டுதலால் நடைபெற்று வருகிறது என்பது ஈரானின் வாதம். அந்தவகையில் சுமார் 40 வெளிநாட்டவரை ஈரான் காவல்துறை கைது செய்துள்ளது.
அதேபோல் ஈரானில் தற்போது வலுத்துவரும் ஹிஜாப் போராட்டத்தையும் இஸ்ரேல் மற்றும் அமெரிக்கா உள்ளிட்ட மேற்கத்திய நாடுகளின் கூட்டணி தான் முடுக்கி விட்டுள்ளதாக ஈரான் குற்றம்சாட்டி வருகிறது. அதேபோல் ஈரான் இஸ்ரேலை ஒரு நாடாக தற்போது வரை அங்கீகரிக்கவில்லை. பாலஸ்தீனரத்திற்கு ஆதரவாக செயல்பட்டு வரும் ஈரான், இஸ்ரேலுக்கு எதிரான தீவிரவாதிகளை ஊக்குவிப்பதாக இஸ்ரேல் சார்பில் கூறப்படுகிறது.
ஆனால் ஈரானில் அணு ஆயுத விஞ்ஞானிகளை கொன்றது, ஈரானில் படுகொலைகளை நிகழ்த்தியது, அணு ஆயுத கிடங்குகளில் தாக்குதல் நடத்தியது என இஸ்ரேல், அமெரிக்கா, பிரான்ஸ் உள்ளிட்ட நாடுகள் மீது ஈரான் குற்றம் சாட்டி வருகிறது.
ஆன்லைன் ரம்மி விவகாரம் — தமிழிசை பேட்டி
இந்தநிலையில் இஸ்ரேலுக்கு உளவு பார்த்த நான்கு பேருக்கு இன்று மரண தண்டனையை நிறைவேற்றியது ஈரான். ஹொசைன் ஓர்துகான்சாதே, ஷாஹின் இமானி மஹ்மூதாபாத், மிலாட் அஷ்ரஃபி அத்பதன், மற்றும் மனோச்சேர் ஷாபந்தி போஜந்தி ஆகியோருக்கு இன்று மரண தண்டனை நிறைவேற்றப்பட்டது. மரண தண்டனை நிறைவேற்றப்பட்ட மூன்று பேர், கடந்து பத்து ஆண்டுகளாக ஈரானில் கைதிகளாக உள்ளனர் என்பது குறிப்பிடதக்கது.
பாகிஸ்தானில் தாக்குதல் நடத்தலாம்; தாலிபான்கள் அறிவிப்பு.!
இஸ்ரேலிய உளவுத்துறையான மொசாட்டின் கட்டுப்பாட்டின் இயங்கி வந்த இந்த நான்கு பேர்களுக்கு கிரிப்டோகரன்சி வடிவில் சன்மானம் வழங்கப்பட்டதாக கூறப்படுகிறது. நாட்டின் பாதுகாப்பிற்கு அச்சுறுத்தல் விளைவிப்பது, ஆள் கடத்தல், பயங்கர ஆயுதங்கள் மற்றும் இறையாண்மைக்கு எதிராக செயல்பாடுகளுக்கு அந்த மூன்று பேர் சிறையில் அடைக்கப்பட்டது குறிப்பிடதக்கது. சீனாவிற்கு அடுத்தபடியாக அதிக நபர்களுக்கு மரண தண்டனை விதிக்கும் நாடு ஈரான் என வலதுசாரிகளால் குற்றம்சாட்டப்பட்டு வருகிறது.