பிப்ரவரியில் திரைக்கு வரும் அர்ஜூன் தாஸின் ‛அநீதி'
இயக்குனர் ஷங்கர் தற்போது கமல்ஹாசன் நடிப்பில் இந்தியன்- 2 மற்றும் ராம்சரண் நடிப்பில் ஆர்சி- 15 என்ற இரண்டு படங்களை இயக்கி வருகிறார். இதற்கிடையே தன்னுடைய எஸ் பிக்சர்ஸ் நிறுவனத்தின் சார்பாக ‛அநீதி' என்ற படத்தையும் அவர் வெளியிட உள்ளார். வசந்தபாலன் இயக்கி வரும் இந்த படத்தில் அர்ஜுன் தாஸ் நாயகனாக நடிக்க, துஷாரா விஜயன் நாயகியாக நடித்து வருகிறார்.
இவர்களுடன் காளி வெங்கட், வனிதா, சாரா அர்ஜுன் உட்பட பலரும் முக்கிய வேடங்களில் நடிக்கிறார்கள். ஜி.வி .பிரகாஷ் இசையமைக்கும் இந்த படத்தின் போஸ்டர் ஒன்று தற்போது வெளியிடப்பட்டுள்ளது. அந்த போஸ்டரில் 2023ம் ஆண்டு பிப்ரவரியில் அநீதி படம் வெளியாக இருப்பதாக அறிவிக்கப்பட்டுள்ளது.