பொங்கல் பண்டிகை கொண்டாட்டத்திற்கு இன்னும் சில நாட்கள் மட்டுமே இருக்கின்றன. பொங்கல் என்றாலே முதலில் நினைவுக்கு வருவது போகி. அதாவது, வீட்டிலுள்ள பழைய பொருட்களை எரித்து புதுப்பொலிவு பெறும் வகையில் செயல்படுவர். ஆனால் எரிப்பதால் உண்டாகும் சுற்றுப்புற மாசுபாடு புதிய பிரச்சினையாக உருவெடுக்கும். எனவே கோவை மாநகராட்சியில் இன்று முதல் வரும் 14ஆம் தேதி வரை ‘புகையில்லா போகி’ என்ற பெயரில் முக்கியமான ஏற்பாட்டை செய்துள்ளனர்.
கோவை மாநகராட்சி ஏற்பாடு
அதன்படி, கோவை மாநகரப் பகுதிகளில் உள்ள பொதுமக்கள் தங்களது வீட்டில் உள்ள உபயோகமற்ற பொருட்களை தீவைத்து எரிப்பதை தவிர்க்க வேண்டும். அதற்கு பதிலாக கோவையில் உள்ள ஐந்து மண்டலங்களுக்கு உட்பட்ட 30 இடங்களில் உபயோகமற்ற பொருட்களை பெற சிறப்பு ஏற்பாடுகள் செய்யப்பட்டுள்ளன.
இதை பொதுமக்கள் சரியாக பயன்படுத்தி கொண்டு, பொருட்களை தரம் பிரித்து தூய்மை பணியாளர்களிடம் வழங்குமாறு கேட்டுக் கொள்ளப்பட்டுள்ளது. இதுதொடர்பாக கோவை மாநகராட்சி ஆணையாளர் மு.பிரதாப் வெளியிட்டுள்ள அறிவிப்பில்,
கிழக்கு மண்டலம் (வார்டு வாரியாக)
23 சித்ரா கார்னர்6 காளப்பட்டி நால் ரோடு52 சந்திர காந்தி நகர் சுகாதார ஆய்வாளர் அலுவலகம்60 வரதராஜபுரம் கல்யாண மண்டபம்60 சிங்காநல்லூர் பேருந்து நிலையம்60 உழவர் சந்தை, சிங்காநல்லூர்
மேற்கு மண்டலம் (வார்டு வாரியாக)
75 பனைமரத்தூர் குப்பை மறுசுழற்சி மையம்37 வடவள்ளி சுகாதார ஆய்வாளர் வார்டு அலுவலகம்71 சாஸ்திரி மைதானம், ஆர்.எஸ்.புரம்34 கவுண்டம்பாளையம் சுகாதார ஆய்வாளர் அலுவலகம்
வடக்கு மண்டலம் (வார்டு வாரியாக)
2 துடியலூர் சந்தை, நுண் உரம் செயலாக்க மையம்4 சரவணம்பட்டி சுகாதார ஆய்வாளர் அலுவலகம்3 சின்னவேடம்பட்டி சுகாதார ஆய்வாளர் அலுவலகம்20 கே.ஆர்.ஜி நகர், கணபதி சுகாதார ஆய்வாளர் அலுவலகம்18 ராமசாமி நகர், நுண் உரம் செயலாக்க மையம் மற்றும் வார்டு அலுவலகம் கவுண்டம்பாளையம்26 விளாங்குறிச்சி ரோடு, குப்பை மறுசுழற்சி மையம், பீளமேடு
தெற்கு மண்டலம் (வார்டு வாரியாக)
79 சொக்கம்புதூர், குப்பை மறுசுழற்சி மையம்86 புல்லுக்காடு, குப்பை மறுசுழற்சி மையம்90 கோவைப்புதூர் சுகாதார ஆய்வாளர் வார்டு அலுவலகம்100 தருண் ரெசிடென்சி, கணேசபுரம்
இதேபோல் மத்திய மண்டலத்தில் காந்திபுரம் பேருந்து நிலையம் (67), மத்திய பேருந்து நிலையம் (67), கிராஸ்கட் ரோடு சுகாதார ஆய்வாளர் வார்டு அலுவலகம் (68), டி.கே.மார்க்கெட் (81), உக்கடம் மார்க்கெட் (81), ராஜவீதி தேர் திடல் (81), செட்டி வீதி கழிப்பிடம் அருகில் (82), உக்கடம் பேருந்து நிலையம் (82), ரேஸ் கோர்ஸ் சுகாதார ஆய்வாளர் வார்டு அலுவலகம் (83), ரயில் அருகில் (83) ஆகிய இடங்களில் குப்பைகள் சேகரிக்கப்படும் எனக் கூறப்பட்டுள்ளது.