அமைச்சர் உதயநிதியை சந்தித்த நடிகர் சங்க நிர்வாகிகள்
திரைப்பட நடிகராகவும், தயாரிப்பாளராகவும் இருந்த உதயநிதி தற்போது இளைஞர் நலம் மற்றும் விளையாட்டுத்துறை அமைச்சராகி இருக்கிறார். அவரை நேற்று தலைமை செயலகத்தில் தென்னிந்திய நடிகர் சங்கத் தலைவர் நாசர், துணை தலைவர் பூச்சி முருகன், நடிகைகள் லதா, சோனியா, நடிகர் ராஜேஷ் உள்ளிட்ட நிர்வாகிகள் சந்தித்து பேசினர்.
இந்த சந்திப்பு குறித்து தென்னிந்திய திரைப்பட நடிகர் சங்கம் விடுத்துள்ள செய்தி குறிப்பில் “விளையாட்டு மற்றும் இளைஞர் நல அமைச்சர் உதயநிதிக்கு தென்னிந்திய நடிகர் சங்கத்தின் வாழ்த்துகள். தாங்கள் பொறுப்பேற்றதன் காரணமாய் இளைஞர்கள் மேல்தளம் நோக்கி முன்னேறவும் விளையாட்டு வீரர்கள் உலக அரங்கில் தங்கப்பதக்கங்கள் குவித்து தமிழ்நாட்டுக்கு பெருமை சேர்க்கவும் செய்வர் என நம்பிக்கை பிறக்கிறது. தென்னிந்திய நடிகர் சங்கம் இவ்வளர்ச்சிக்கு ஆதரவையும், பங்களிப்பையும் நல்கும் என்ற உறுதியளிக்கிறது”என்று கூறப்பட்டுள்ளது.